Өзбекистанда елип берилған президент сайлимида ислам кәримоф утуп чиқти


2007-12-24
Share

Өзбекистанда елип берилған президент сайлиминиң нәтиҗиси йәкшәнбә күни елан қилинған болуп, нәтиҗидә ислам кәримоф утуп чиқип, өзбекистанға 3- нөвәт президент болуп сайланди.

Б б с ахбарат қанилида көрситилишичә, ислам кәримоф 88.1 Пирсәнт аваз билән утуп чиққан болсиму, әмма ғәрб әллиридин кәлгән сайламни көзәткүчиләрниң билдүрүшичә, сайлам демократик йосунда елип берилмиған.

Бу нөвәтлик сайламда ислам кәримоф билән риқабәткә чүшкән башқа үч нәпәр кандидатлар анчә тонулмиған шәхсләр болуп, улар кәң даирилик паалийәт елип берип өзбек хәлқини өзлиригә биләт ташлашқа үндәшниң орниға, әксичә ислам кәримофни махтиған болғачқа, ислам кәримофниң бу қетимлиқ сайламда муқәррәр һалда утуп чиқиши алдин мөлчәрләнгән иди .

Сайламни көзитишкә қатнашқан явропа бихәтәрлик вә һәмкарлиқ тәшкилати баянат елан қилип мәзкур сайламниң " қаттиқ контрол қилинған сиясий муһит " та елип берилғанлиқини вә һәқиқий қарши пикирдә риқабәтлишишкә йол қоюлмиғанлиқини көрсәтти.

Б б с дә хәвәр қилинишичә, нурғун кишиләр ислам кәримофитин өзгә бирсигә биләт ташлаштин қорқунч һес қилғанлиқтин, пәқәт ислам кәримофқила биләт ташлашқа мәҗбур болған.

Өзбекистан асасий қануниға асасланғанда , вәзипә өтәйдиған вақти йәнә икки йил қалған ислам кәримоф қанунға қаримай йәнә бир нөвәт сайламға чүшкән болсиму, һалбуки шундақ туруп йәнә немә үчүн сайламға чүшкәнлики һәққидә һечқандақ чүшәндүрүш бәрмигән.

Ислам кәримоф 1991- йили мустәқиллиқ илан қилинғандин буян өзбекистанни идарә қилип келиватқан болуп, бу униң 3- нөвәт президент болуп сайлиниши. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт