Özbékistanda élip bérilghan prézidént saylimida islam kerimof utup chiqti


2007-12-24
Share

Özbékistanda élip bérilghan prézidént saylimining netijisi yekshenbe küni élan qilin'ghan bolup, netijide islam kerimof utup chiqip, özbékistan'gha 3- nöwet prézidént bolup saylandi.

B b s axbarat qanilida körsitilishiche, islam kerimof 88.1 Pirsent awaz bilen utup chiqqan bolsimu, emma gherb elliridin kelgen saylamni közetküchilerning bildürüshiche, saylam démokratik yosunda élip bérilmighan.

Bu nöwetlik saylamda islam kerimof bilen riqabetke chüshken bashqa üch neper kandidatlar anche tonulmighan shexsler bolup, ular keng da'irilik pa'aliyet élip bérip özbék xelqini özlirige bilet tashlashqa ündeshning ornigha, eksiche islam kerimofni maxtighan bolghachqa, islam kerimofning bu qétimliq saylamda muqerrer halda utup chiqishi aldin mölcherlen'gen idi .

Saylamni közitishke qatnashqan yawropa bixeterlik we hemkarliq teshkilati bayanat élan qilip mezkur saylamning " qattiq kontrol qilin'ghan siyasiy muhit " ta élip bérilghanliqini we heqiqiy qarshi pikirde riqabetlishishke yol qoyulmighanliqini körsetti.

B b s de xewer qilinishiche, nurghun kishiler islam kerimofitin özge birsige bilet tashlashtin qorqunch hés qilghanliqtin, peqet islam kerimofqila bilet tashlashqa mejbur bolghan.

Özbékistan asasiy qanunigha asaslan'ghanda , wezipe öteydighan waqti yene ikki yil qalghan islam kerimof qanun'gha qarimay yene bir nöwet saylamgha chüshken bolsimu, halbuki shundaq turup yene néme üchün saylamgha chüshkenliki heqqide héchqandaq chüshendürüsh bermigen.

Islam kerimof 1991- yili musteqilliq ilan qilin'ghandin buyan özbékistanni idare qilip kéliwatqan bolup, bu uning 3- nöwet prézidént bolup saylinishi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet