Qirghizistan hökümitining issiqköl sayahet rayoni qurulushini xitaygha höddige bérish pilani qarshiliqqa uchrimaqta


2004.08.26
Share on WhatsApp
Share on WhatsApp

Qirghizistandiki bir qisim teshkilatlar yéqinda birleshme bayanat élan qilip, qirghizistan hökümitining xitay shirkitige höddige bermekchi bolghan issiq köl sayahet rayoni qurulushigha qarshi chiqti.

Erkin yawropa radi'osining xewirige qarighanda, qirghizistan hökümiti ötken ayda sayahetni rawajlandurush üchün, issiq kölning etrapida yene bir chong sayahet rayoni qurushni pilanlighanliqini we buni bir xitay shirkitige höddige bermekchi bolghanliqini jakarlighan.

Biraq hökümet da'iriliri, mezkur xitay shirkitining ismini we bu qurulushning konkirt tepsilatlirini ashkarilimighan. Peqet issiq kölning jenubiy sahilisidiki yette oghuz rayonida élip bérilidighan sayahet rayoni qurulushining, xitay shirkitige issiq kölning etrapidiki 800 géktar yerni 49 yilliq ijarige bérishni öz ichige alidighanliqini bildürgen.

Bishkektiki "chériklikke qarshi jem'iyet uyushmisi" qatarliq teshkilatlar qirghizistan hökümitining mezkur qurulushni sirliq tutqanliqini eyiblimekte. Shuning bilen bir waqitta bir qisim siyasiyonlar we yerlik xelqler bolsa, bir tereptin xitay shirkiti élip baridighan qurulushning issiq kölning ékologiyilik muhitigha toldurghili bolmaydighan ziyan élip kélishidin endishe qilsa, yene bir tereptin xitaylarning qirghizistan'gha bir kelgen péti ketmey turiwélishidin ensirep ,mezkur qurulushqa qarshi chiqmaqta iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.