Қирғизистан 3 кишигә ахматбайевни өлтүргәнлик җинайити билән өлүм җазаси бәрди

• 
  2006-08-03

Қирғизистан сот мәһкимиси пәйшәнбә күни парламент әзаси тинчбек ахматбайевни өлтүрүшкә қатнашқан дәп әйиблигән 3 кишигә өлүм җазаси бәрди.

Ройтерс агентлиқиниң хәвәр қилишичә, қирғизистан нөвәттә өлүм җазасини кечиктүрүш бәлгилимисини йолға қоюватқан болғачқа, йевгений головин, әзмәт закироф вә рустан абдулин қатарлиқ бу 3 кишигә берилгән өлүм җазасини һазирчә иҗра қилмайдикән.

Гәрчә бу бәлгилимә 1998‏- йилидин башлап йолға қоюлған болсиму, лекин қирғизистан һөкүмити давамлиқ түрдә җинайәтчиләрни өлүм җазасиға һөкүм қилмақта.

Мунасивәтлик хәвәрләрдә, бу 3 кишиниң чечән вә таҗик миллитидин икәнлики илгири сүрүлмәктә. Сот йәнә ахматбайевни өлтүрүш вәқәсигә четишлиқи болған 35 кишини түрмигә ташлап, уларға охшимиған кесим җазаси бәргән.

Хәлқара кишилик һоқуқ тәшкилатлири, қирғизистанни кишилик һоқуқ хатириси яхшиланмиған, болупму өлүм җазаси иҗра қиливатқан асаслиқ дөләтләрдин бири дәп әйибләп келиватқан болсиму, бу дөләт йәнила өлүм җазаси иҗра қилип кәлмәктә. (Әқидә)