Hökümetning yingi qararigha qarshi chiqqan özbek ayal yaymichilar saqchilargha hujum qildi

Düshenbe küni özbékstanning qoqend shehiride 2000 neper etrapida ushshaq tijaretchi ayal hökümetning import qilin'ghan tawarlarni sétish toghrisida chiqarghan yéngi qa'ide-tüzümige naraziliq bildürüp, saqchi we baj kadirlirini urup, saqchi mashinilirigha öt qoyup berdi.

Fransiye axbarat agéntliqining xewer qilishiche, özbékstan bixeterlik qisimliri ayal ushshaq tijaretchilerning namayishini basturush jeryanida su chichish mashinilirini ishletken.

Xewerde éytilishiche, qoqend baziridiki naraziliq herikiti, hökümet xadimliri hökümetning yingi qararini orundashqa bashlishi bilen birge bashlan'ghan. Hökümetning chiqarghan yéngi qararigha asasen, chet'eldin import qilin'ghan tawarlarni sétishnixalaydighan herqandaq kishi, hökümettin ruxset élishi we en'ge élinishi kirek iken.

Xewerlerge qarighanda, baj kadirliri we saqchilarning bazarda ruxsetsiz tawar satqan ushshaq tijaretchilerning mallirini musadire qilip, ularni tutushqa bashlishi bazardiki bashqa tijaretchilerningmu ghezipini qozghap, toqunushlarning bashlinishigha türtke bolghan.(Qanat)