Qazaqistan rahet aliyéwning kontrolliqidiki téléwiziye qanili we bir gézitni taqidi


2007-05-25
Share

Qazaqistan da'iriliri peyshenbe küni prézidént nezerbayéwning küy'oghuli rahet aliyéwning kontrolliqidiki téléwiziye qanili bilen bir gézitni taqidi. Bügünki qazaqistan xewerler agéntliqining xewer qilishiche, da'iriler rahet aliyéwning kontrolliqidiki k t k téléwiziye qanili bilen karwan gézitini qazaqistan qanunlirigha xilapliq qilghanliq sewebidin 3 ayliq muddet bilen taqighan.

Bu weqe buningdin bir kün burun prézidént nezerbayéw saqchilargha rahet aliyéwning qazaqistan nur bankisida ishleydighan 2 yuqiri derijilik emeldarni görede tutup turghanliq weqesi üstidin tekshürüsh élip bérishke buyruq bergendin kéyin yüz berdi. Küzetküchiler, nezerbayéwning herikiti hakimiyet qatlimidiki shexislerge qanun da'irisidin chiqip ketmeslik heqqide bérilgen agahlandurush, dep mulahize qilishmaqta.

Rahet aliyéw nezerbayéwning chong qizi darighaning yoldishi bolup, u qazaqistanning mu'awin tashqiy ishlar ministir qatarliq wezipilerni ötigen. Hazir qazaqistanning wé'enadiki bash elchilik wezipisini ötimekte idi. Bügünki qazaqistan xewer agéntliqi yene rahet aliyéwning dadisining öyi saqchilar teripidin axturulghanliqini bildürdi.

Rahet aliyéw, qazaqistan nur bankisining sabiq yuqiri derijilik emeldari abilmajan gilimow we uning yardemchisini görede tutup turush, ten jazasi bérish we tapancha bilen tehdit sélip, ularni sodidin waz kéchishke qistighan, dep eyiplenmekte. Lékin rahet aliyéw bu eyipleshlerni ret qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet