Нурсултан нәзәрбайифниң салаһийитиниң күнсери ешиши ғәрб дөләтлирини әндишиләндүрмәктә


2007-05-24
Share

Қазақистан сиясий өктичилири, жорналистлар вә адвокатлар, президент нурсултан нәзәрбайифқа өмүр буйи президент болуш имканийити берилгәнликини қаттиқ тәнқид қилди. Көпчиликкә мәлум болғандәк қазақистан парламенти қазақистан асасий қануниға өзгәртиш киргүзүп, нәзәрбайифниң өмүр буйи президент болуш йолини ачқан иди.

Чаршәнбә күни қазақистандики демократ яшлар тор бетидә елан қилинған бир баянатта, президент нәзәрбайиф парламинт тәрипидин асасий қанунға киргүзүлгән өзгиришни имзалаш арқилиқ, қазақистанниң абройини чүшүрди, дейилгән.

Баянатта ейтилишичә, напалийон дектаторлуқини әслитидиған , хан җамаити, бай деһқанлар вә юқири дәриҗилик һөкүмәт хадимлириниң қоллиши билән қобул қилинған бу тәшәббусниң мәқсиди, мәвҗут сиясий вә иҗтимаий түзүмни қоғдаштин ибарәт икән.

Өткән чаршәнбә күни президент нурсултан нәзәрбайиф, асасий қанунда президент муддитини 7 йилдин 5 йилға қисқартиш вә парламентниң салаһийитини техиму күчәйтиш қатарлиқ бәзи ислаһатларни елип беришни тәклип қилған. Җүмә күни президентниң һәр икки тәклипини қобул қилған қазақистан парламинт әзалири, асасий қанунда нәзәрбайифқа өмүр буйи президент болуш имканийити яритидиған өзгириш киргүзүш тәклипини оттуриға қоюп, бу тәклипни қобул қилған. Лекин қанунға асасән нәзәбайифтин кейин президент болидиғанлар бу имканийәттин бәһриман болалмайдикән.

Әмма , бирләшмә агентлиқиниң хәвәр қилишичә, қазақистан нурсултан нәзәрбайифниң, орни вә салаһийитини күнсери көпәйтиши ғәрб дөләтлирини әндишиләндүрмәктә.(Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт