Nursultan nezerbayifning salahiyitining künséri éshishi gherb döletlirini endishilendürmekte


2007-05-24
Share

Qazaqistan siyasiy öktichiliri, zhornalistlar we adwokatlar, prézidént nursultan nezerbayifqa ömür buyi prézidént bolush imkaniyiti bérilgenlikini qattiq tenqid qildi. Köpchilikke melum bolghandek qazaqistan parlaménti qazaqistan asasiy qanunigha özgertish kirgüzüp, nezerbayifning ömür buyi prézidént bolush yolini achqan idi.

Charshenbe küni qazaqistandiki démokrat yashlar tor bétide élan qilin'ghan bir bayanatta, prézidént nezerbayif parlamint teripidin asasiy qanun'gha kirgüzülgen özgirishni imzalash arqiliq, qazaqistanning abroyini chüshürdi, déyilgen.

Bayanatta éytilishiche, napaliyon déktatorluqini eslitidighan , xan jama'iti, bay déhqanlar we yuqiri derijilik hökümet xadimlirining qollishi bilen qobul qilin'ghan bu teshebbusning meqsidi, mewjut siyasiy we ijtima'iy tüzümni qoghdashtin ibaret iken.

Ötken charshenbe küni prézidént nursultan nezerbayif, asasiy qanunda prézidént mudditini 7 yildin 5 yilgha qisqartish we parlaméntning salahiyitini téximu kücheytish qatarliq bezi islahatlarni élip bérishni teklip qilghan. Jüme küni prézidéntning her ikki teklipini qobul qilghan qazaqistan parlamint ezaliri, asasiy qanunda nezerbayifqa ömür buyi prézidént bolush imkaniyiti yaritidighan özgirish kirgüzüsh teklipini otturigha qoyup, bu teklipni qobul qilghan. Lékin qanun'gha asasen nezebayiftin kéyin prézidént bolidighanlar bu imkaniyettin behriman bolalmaydiken.

Emma , birleshme agéntliqining xewer qilishiche, qazaqistan nursultan nezerbayifning, orni we salahiyitini künséri köpeytishi gherb döletlirini endishilendürmekte.(Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet