ئاتاسۇ - ئالاتاۋ نېفىت تۇرۇبىسىدا دېكابىردىن باشلاپ نېفىت ئېقىتىلىشقا باشلايدۇ


2005.07.07
Share on WhatsApp
Share on WhatsApp

قازاقىستان پرېزىدېنتى نۇرسۇلتان نەزەربايېۋنىڭ ئاشكارىلىشىچە، قازاقىستان بىلەن ئۇيغۇر ئاپتونوم رايونى ئوتتۇرىسىدىكى ئاتاسۇ - ئالاتاۋ نېفىت تۇرۇبىسىدا، بۇ يىل 16 - دېكابىردىن باشلاپ نېفىت ئېقىتىلىشقا باشلايدىكەن. نەزەربايېۋ بۇ خەۋەرنى، خىتاي دۆلەت رەئىسى خۇ جىنتاۋ يېقىندا قازاقىستاننى زىيارەت قىلغاندا ئۇنىڭ بىلەن بىرگە ئۆتكۈزگەن مۇخبىرلارنى كۈتۈۋېلىش يىغىنىدا ئاشكارىلىغان.

1000 كىلومېتىر ئۇزۇنلۇقتىكى ئاتاسۇ - ئالاتاۋ نېفىت تۇرۇبىسى قازاقىستاننىڭ ئوتتۇرا قىسمىدىكى ئاتاسۇدىن باشلىنىپ، ئالاتاۋ ئېغىزى ئارقىلىق ئۇيغۇر ئاپتونوم رايونىنىڭ مايتاغ رايونىغىچە بارىدۇ.

مەزكۇر قۇرۇلۇشقا 700 مىليون دوللار مەبلەغ سېلىنغان. بۇ قۇرۇلۇش خىتاينىڭ ئوتتۇرا ئاسىيا ئەللىرىدىن نېفىت ۋە تەبىئىي گازغا ئېرىشىش ئىستراتېگىيىسىنىڭ بىر قىسىمى. مەزكۇر قۇرۇلۇش ئاخىرلاشقاندا يىلىغا 10 مىليون توننا نېفىت ئېقىدىكەن. خىتاي ھۆكۈمىتى بۇ ساننى 2008 - يىلغا بارغاندا 20 مىليونغا چىقىرىشنى پىلانلىماقتا. بۇ ئارىدا دۆلەت ئىگىلىكىدىكى جوڭگو نېفىت شىركىتى، قازاقىستان نېفىت تەبىئىي گاز شىركىتى مۇنايگاز بىلەن ئىككى دۆلەت ئارىسىدا ئاتاسۇ- ئالاتاۋ نېفىت تۇرۇبىسىغا يانداش تەبىئىي گاز تۇرۇبىسى ياتقۇزۇش مەسىلىسىنى مۇزاكىرە قىلماقتىكەن. (ئەركىن)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت