Özbékistandiki öktichi partiye parlamént saylimini bayqut qilishqa chaqirdi

Özbékistandiki eng chong öktichi guruhlarning biri erk partiyisi, saylighuchilarni kéler ayda ötküzülidighan özbékistan parlamént saylimini bayqut qilishqa chaqirdi. Erk partiyisi, parlamént saylimining mewjut shara'it astida erkin, adil we dimokratik élip bérilishigha ishenmeydighanliqini bildürgen. Erk partiyisining rehbiri atanezer aripof, shenbe küni tashkendde muxbirlarni kütüwélish yighini ötküzüp, kerimof hökümiti aripofning bu yil 12 - ayning 26 -küni ötküzülidighan parlamént saylimigha qatnishishini chekligenlikini élan qildi.

Aripof, özbékistandiki qalghan besh hökümetperes partiyining saylamgha qatnishishigha yol qoyulghanliqini eskertip, bu partiyilerning pré'izidént kerimof hökümiti üchün xizmet qilidighanliqini bildürdi. U, özbékistanda hökümetning siyasi huli ammiwi asasqa ige emes dep körsetti. Kerimof hökümitining qattiq qol istili xelq'ara kishilik hoquq organlirining tenqidige uchrighan, prézidént kerimof öktichi küchlerni basturush,kishilik hoquqni depsende qilish bilen eyiplen'gen idi. Biraq kerimof hökümiti özining esebiy islamchilar bilen küresh qiliwatqanliqini ilgiri sürmekte. (Erkin)