Өзбекистандики кишилик һоқуқ паалийәтчилири думбаланди


2005-02-09
Share

Чаршәнбә күни өзбекистан пайтәхти ташкәнттә намайиш өткүзүватқан 5 нәпәр кишилик һоқуқ паалийәтчиси салаһийити ениқ болмиған бир топ аяллар тәрипидин думбаланған.

Франсийә ахбарат агентлиқиниң хәвиригә қариғанда, 5 нәпәр кишилик һоқуқ паалийәтчиси, өзбекистан президенти ислам кәримофниң сиясий мәһбусларни қоюп беришини тәләп қилип намайиш өткүзүватқан пәйттә, 6 нәпәр аял нәқ мәйданға келип, намайишчиларни 20 минутқичә тохмақлар билән думбалиған.

Вәқә йүз бәргән җайдики бәзи кишиләр бу көрүнүшләрни телекамераға еливалған. Таяқ йегән намайишчиларниң арисида, "өзбекистан хәлқиниң һоқуқи вә әркинликини қоғдаш җәмийити" ниң паалийәтчилириму бар икән. Улар бу вәқәниң арқисида сақчиларниң қоли барлиқини билдүрмәктә.

Кишилик һоқуқ тәшкилатлири, өзбекистанда йүз бәргән аяллар һуҗум қилған мушуниңға охшаш бир қанчә вәқәниң өзбекистан даирилири тәрипидин садир қилинғанлиқини оттуриға қоюп кәлгән иди. Өткән йили 6 - айда өзбекистанда өткүзүлгән шаңхәй һәмкарлиқ тәшкилатиниң йиғини алдида намайиш қилған кишиләрму бир топ аяллар тәрипидин думбаланған иди.

Өзбекистан президенти ислам кәримоф дөлитидики кишилик һоқуқ хатирисиниң начарлиқи билән ғәрбниң кишилик һоқуқ паалийәтчилири тәрипидин көп қетим әйиблинип кәлди.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт