Özbékistandiki kishilik hoquq pa'aliyetchiliri dumbalandi


2005-02-09
Share

Charshenbe küni özbékistan paytexti tashkentte namayish ötküzüwatqan 5 neper kishilik hoquq pa'aliyetchisi salahiyiti éniq bolmighan bir top ayallar teripidin dumbalan'ghan.

Fransiye axbarat agéntliqining xewirige qarighanda, 5 neper kishilik hoquq pa'aliyetchisi, özbékistan prézidénti islam kerimofning siyasiy mehbuslarni qoyup bérishini telep qilip namayish ötküzüwatqan peytte, 6 neper ayal neq meydan'gha kélip, namayishchilarni 20 minutqiche toxmaqlar bilen dumbalighan.

Weqe yüz bergen jaydiki bezi kishiler bu körünüshlerni télékaméragha éliwalghan. Tayaq yégen namayishchilarning arisida, "özbékistan xelqining hoquqi we erkinlikini qoghdash jem'iyiti" ning pa'aliyetchilirimu bar iken. Ular bu weqening arqisida saqchilarning qoli barliqini bildürmekte.

Kishilik hoquq teshkilatliri, özbékistanda yüz bergen ayallar hujum qilghan mushuninggha oxshash bir qanche weqening özbékistan da'iriliri teripidin sadir qilin'ghanliqini otturigha qoyup kelgen idi. Ötken yili 6 - ayda özbékistanda ötküzülgen shangxey hemkarliq teshkilatining yighini aldida namayish qilghan kishilermu bir top ayallar teripidin dumbalan'ghan idi.

Özbékistan prézidénti islam kerimof dölitidiki kishilik hoquq xatirisining nacharliqi bilen gherbning kishilik hoquq pa'aliyetchiliri teripidin köp qétim eyiblinip keldi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet