Yaponlar özbékistanda uran qazmaqchi
2007.10.21
Yaponiyining ottura asiya döletliri bilen bolghan her tereplime hemkarliqlirining küchiyishige egiship, özbékistan yaponiyining öz tupraqlirida uran kanlirini izdishi hemde birlikete uran élishigha qoshuldi.
Perghane agéntliqining bashqa menbelerdin neqil keltürüp tarqatqan uchurlirigha asaslan'ghanda, yaponiye döletlik néfit, tebi'iy gaz we métal shirkiti özbékistanda uran kanlirini izdesh teklipini bergen. Bu organ bu yilning axirighiche özbékistandiki 11 orundin uran kanlirini izdep tépish heqqidiki pilanini axirlashturidighanliqini bildürgen, özbékistan terep eger bular dégendek bolsa ikki terepning birleshme shirket qurup, %50 tin bölüshidighanliqi hemde uran kanlirini qézish ishlirini bashlaydighanliqini körsetken.
Özbékistan uran menbesi jehette dunya boyiche 9 orunda turidu. Yaponiyidin bashqa rusiyining " rosatom" shirkitimu özbékistan bilen birlikte uran qézishqa heriket qilmaqta. Özbékistan terep rusiye terepke özlirining birleshme shirket qurush heqqidiki tekliplirini bergen . Emma özbékistan özliri érishiwatqan uranlirini amérika shirkiti arqiliq chet'elge satmaqta.
Özbékistanni öz ichige alghan qirghizistan we qazaqistan qatarliq ottura asiya memliketlirining uranlirigha xitayningmu alahide qiziqip, bu jehette melum heriketlerni qiliwatqanliqi melum.(Ümidwar)
Munasiwetlik maqalilar
- Islam kérimof namzatliqni yene qoldin bermeydu
- Prézidént islam kerimof, wezipe ötesh mudditini uzartmaqchimu?
- Enjan qanliq weqesining ikki yilliq xatire küni
- Özbékistan re'isi islam kérimof misirdiki ziyaritide özbékistandiki islamiy heriketler heqqide toxtaldi
- Islam kerimop, gherb ellirini özbékistan'gha qarshi térorchilar bilen til birtiktürmekte, dep eyiplidi
- Özbékistan amérikining "sebdash" insanperwerlik teshkilatini taqidi
- Özbékistan hökümiti, siyasiy öktchi we kishilik hoquq pa'aliyetchisini qolgha aldi
- Özbékistanda azadliq radi'osining muxbiri 6 ay qamaq jazasigha höküm qilindi
- Özbékistan prézidénti rusiye prézidénti bilen uchrashti