Қазақистан парламент сайлими ахирлашти


2007-08-19
Share

Йәкшәнбә күни қазақистан җумһурийитиниң парламент сайлими ахирлашти. Президент нурсултан назарбайефниң партийиси "нур отан" % 88 аваз билән өктичи партийиләр үстидин ғалип келип, парламенттики көп санлиқ орунни игилиди.

Қазақистан мәтбуатлириниң хәвәр қилишичә, мәркизий сайлам комитети "нур отан" йәни "вәтән" партийиси парламенттики 98 орунни игилигәнликини билдүргән.

Парламент сайлимини явропа һәмкарлиқ вә бихәтәрлик тәшкилати мәхсус назарәт қилған. Б б с агентлиқиниң хәвиридин мәлум болушичә мәзкур тәшкилат бу қетимқи парламент сайламда илгириләш болғанлиқини муәййәнләштүргән, болсиму, лекин өктичиләр бәрибир өз наразилиқлирини ипадилигән.

Назарбайеф буниңдин бир қанчә ай илгири туюқсиз парламентни тарқитип, қайтидин сайлам өткүзидиғанлиқини билдүргән һәмдә президентлиқ мөһлитини қисқартиш билән биргә парламентқа аз санлиқ милләтләрниңму өз вәкиллирини киргүзүш салаһити берилидиғанлиқини җакарлиған иди. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт