Қазақистан явропа бихәтәрлик вә һәмкарлиқ тәшкилатиниң рәис дөлити болиду


2007.12.02
Share on WhatsApp
Share on WhatsApp

Қазақистан сабиқ совет иттипақидин айрилип чиққан дөләтләр ичидә биринчи қетим 2010- йили явропа бихәтәрлик вә һәмкарлиқ тәшкилатиниң рәиси болиду. Бу қарар йеқинда испанийиниң мадрид шәһридә өткүзүлгән явропа бихәтәрлик вә һәмкарлиқ тәшкилатиға әза дөләтләрниң йиғинида елинған. Пәрғанә агентлиқиниң учуридин қариғанда, рәислик вәзиписиниң мөһлити бир йил болидикән.

Хәлқарада зор абройға игә явропа бихәтәрлик вә һәмкарлиқ тәшкилатиниң рәислик вәзиписиниң қазақистанға берилишиниң шәрқий явропа, мустәқил дөләтләр һәмдостлиқиға әза мәмликәтләрниң қазақистанға болған ишәнчисини көрситидиғанлиқини тәкитләйду-қазақистан дөләт ишлири секритари қанат савдабайев. У, сөзидә қазақистан рәислик қилидиған 2010-йили җәрянида явропа бихәтәрлик вә һәмкарлиқ тәшкилатиниң мәркизий асия вә афғанистандики мәсилиләргә болған диққәт етибарини күчәйтидиғанлиқини әскәртти.

Көзәткүчиләр қазақистанниң явропа бихәтәрлик вә һәмкарлиқ тәшкилатида рәислик орниға сазавәр болушиниң алди билән бу дөләтниң мәркизий асия районида күнсайин ешиватқан абройи вә иқтисадий тәрәққиятта қолға кәлтүргән нәтиҗилири билән шуниңдәк хәлқара җәмийәтниң униң кәлгүсидә районниң демократийилишиши вә иқтисадий тәрәққияти һәмдә бирликкә келишидә башламчилиқ рол ойнишиға болған ишәнчиси билән мунасивәтлик икәнликини тәһлил қилмақта. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт