Өктичиләр қирғизистандики сайламниң адил елип берилмиғанлиқини билдүрмәктә


2007-12-20
Share

Қирғизистандики сайламниң пәйшәнбә күни елан қилинған әң йеңи хуласидин қариғанда, президент қурманбек бақийефниң " ақ җол партийиси" дин башқа йәнә икки партийә йәни үч партийә парламенттин орун алған. Әмма сайламда юқири авазға еришкән өктичи партийә " ата - макан партийиси " вә башқа өктичи партийиләр қирғизистан һөкүмәт даирлирини сайламда һийлә ишләтти дәп әйиблимәктә.

Хәвәрләргә қариғанда, гәрчә ата ‏- макан партийиси сайламда авазларниң 2. 9 Пирсәнтини қолға кәлтүргән болсиму, лекин қирғизистанниң җәнубий районида йеқинда өзгәртилгән сайлам қанунида районлар үчүн оттуриға қоюлған 5. 9 Пирсәнтлик тосақтин өтәлмигәнлики үчүн парламентқа кирәлмигән.

Америка бирләшмә агентлиқиниң хәвәр қилишичә, сайламдин кейин қирғизистанда тоқунуш йүз бериш еһтималлиқи алдин сәзгән президент бақийеф йетәкчиликидики ақ җол партийиси, сайлам қанунидики районлар үчүн оттуриға қоюлған 0.5 Пирсәнтлик тосақни бикар қилиш үчүн қирғизистан али сотиға әрз сунған болуп, қирғизистан али соти мәзкур мәсилә үстидә музакирә елип баридикән.

Бу арида ата - макан партийиси билән йәнә бир өктичи партийә, җүмә күни мәмликәтниң һәрқайси җайлиридики һөкүмәт бинаси алдида наразлиқ намайиши өткүзидиғанлиқини билдүргән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт