Қирғизистан сайлам көмитети сиясийи өктичи отанбайваниң кандидатлиқини бикар қилди


2005-01-07
Share

Өктичи һәрикәт һесабланған " ата юрт" һәрикитиниң қош рәиси болған, сабиқ қирғизистан ташқи ишлар министири роза отанбайованиң 27 - фиврал күни өткүзүлмәкчи болған парламент сайлимидики кандидадлиқини бикар қилди.

Қирғизистан сайлам комитети әзаси абдугл әлийофниң билдүрүшичә, университет райони сайлам комитиети роза отанбайованиң кандидатлиқ илтимасини қобул қилишта сайлам қануниға мувапиқ әмәл қилмиған .

Униң ейтишичә, сайлам комитетиниң отанбайиваниң кандидатлиқ илтимаси тоғрисида қарар чиқирилған йиғиниға, сайлам қанунида бәлгиләнгәндин аз санда комитет әзаси қатнашқан.

Лекин қирғизистандики сиясий өктичиләр сайлам комитетиниң отанбайива тоғрисидики қарарини президент әсқәр ақайофниң бир сиясий оюни дәп қаримақта.

Телефон зияритимизни қобул қилған , қирғизистан әркинлик партийисиниң рәиси вә қирғизистан кишилик һоқуқ иниститутиниң директори, топчибәг турған әлийоф, қирғизистан сайлам комитетиниң роза отанбайива ниң парламент сайлимидики кандидатлиқини бикар қилиш қарарини, қирғизистанда президент әсқәр ақайоф башчилиқидики диктатор һакимийәт билән хәлқниң қоллишиға еришкән сиясий өктичи һәрикәт оттурисидики сайлам көришниң башланғанлиқиниң бир ипадиси дәп көрсәтти .

Әсқәр ақайоф башчилиғидики дикатор һакимийәт билән хәлқниң қоллишиға еришкән өктичи сиясий һәрикәт оттурисидики сайлам көриши түнүгүн ахшам рәсмий башлиди. Ақайоф өткән он күн ичидә икки қетим очуқ-ашкара сиясий өктичиләргә қаттиқ зәрбә бериш керәк дейиш арқилиқ тәшвиқат урушини башливәтти .

Түнүгүн университет райони сайлам комитети ақафофниң буйруқи бойичә роза отанбайиваниң парламинт сайлимда кандидат болушини қобул қилмиди. Бу ақайоф вә яндашлириниң сиясий өктичиләргә зәрбә бериш һәрикитиниң тунҗи қәдими һисаплиниду.

Топчибәгниң ейтишичә, президент ақайофниң мәқсди, 27 - фиврал күни өткүзүлидиған парламинт сайлимиға күчлүк кандидатларниң қатнишишиниң алдини елип, сайламда өзиниң кандидатлириниң ғәлбә қилишиға шараит яритип бериш шундақла келәрки парламентта көп санлиқ орунни ни игиләш арқилиқ өзиниң һакимийитиниң өмрини узартиштин ибарәт икән.

Қирғизистан сиясий өктичиси вә қирғизистан чирикликкә қарши юртдашлар җәмийитиниң рәиси төлүк исмаилова, қирғизистан сайлам комитетиниң роза отанбайованиң кандидатлиқини бикар қилишиниң асаслиқ сәвәби, парламент сайлимида охшаш райондин өзини кандидат көрситишни ойлишиватқан, президент ақайофниң қизи бәрнәт ақайоваға сайламда ғәлбә қилиши үчүн шараит яритип бериш икән .

Өткән бир ай ичидә һөкүмәт 1- университет сайлам районида ақайофниң қизи бәрнәт ақайованиң парламент сайлимида парламент әзаси болуп сайлиниши үчүн, университет оқоғучилириға алаһидә көңүл бөлүп, тизимға илинмиғанларни тизимға алдуруп, дакоминти йоқларға дакоминт тәйярлап берип чоң тәшвиқат елип барди .

Америка бирләшмә агентлиқиниң билдүрүшичә, қирғизистан президенти әсқәр ақайофниң қизи бәрнәт ақайова парламинт сайлимида кандидатлиқини рәсми елан қилмиған, лекин ақайоф һакимийитини қоллайдиған әң күчлүк партийә болған қирғизистан алға партийиси әгәр бәрнәт ақайова парламент сайлимида өзини намзад көрсәтсә, уни қоллайдиғанлиқини җакарлиди .

Бирвақитлар оттура асиядики әң димократик дөләт дәп нам алған қирғизистан йиқинқи йиллардин бири бу үнванини йоқутуп, пуқралириниң кишилик һуқуқ дәпсәндә қилииватқан бир дөләт дәп атилишқа башлиди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт