Қирғизистан асасий қанунни иҗра қилиш соти роза отанбайиваниң әрзини рәт қилди


2005-02-10
Share

Қирғизистанниң асасий қанунни иҗра қилиш соти, өктичиләрниң рәһбири роза отанбайивани бу ай өткүзүлмәкчи болған парламент сайлимиға қатнаштурмаслиқ қарарини қайта ойлишишни рәт қилди.

Америка бирләшмә ахбарат агентлиқиниң хәвиригә қариғанда, буниң алдида, қирғизистандики өктичи һәрикәт һесабланған "ата юрт" һәрикитиниң қош рәиси болған, сабиқ ташқи ишлар минситири роза атанбайива, қирғизистан сайлам комитетиниң, өзиниң кандидатлиқини бикар қилғанлиқи үстидин қирғизистан асасий қанунини иҗра қилиш сот мәһкимисигә әрз сунған.

Бирақ,униң адвокатииң пәйшәнбә күни билдүрүшичә, мәзкур сот мәһкимиси роза атанбайиваниң әрзиниң шәхсий дилолар категорийисигә ятмайдиғанлиқини билдүрүп, уни ойлишишни рәт қилған. Униң адвокати, асасий қанунни иҗра қилиш сотиниң пуқраларниң асасий қанунда бәлгиләнгән һоқуқини қоғдиялмиғанлиқини әйиплиди.

Қирғизистан сайлам комитети өткән айда қара чиқирип, роза отанбайиваниң қирғизистанда үзүлдүрмәй турған вақтиниң бәш йилдин аз икәнликини көрситип, униң кандидатлиқини бикар қилған иди. Бирақ, бир қисим сиясий өктичиләр, буни әсқәр ақайефниң охшаш сайлам районидики қизи бәрнат ақайеваниң парламент сайлимида сайлиниши үчүн ойниған бир сиясий оюни дәп қаримақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт