Qirghizistan hökümet xadimliri saylamning netijilik boliwatqanliqini bildürmekte

Qirghizistan saylam komitétining eng yuqiri derijilik emeldari imanbayéfning bildürüshiche, yéqinda élip bérilghan parlamént saylimi intayin netijilik bolghan.

Biraq, qirghizistanda saylam jeryanida hökümetke qarshi chong kölemlik namayishlar yüz bermekte. Imanbayéf bolsa saylamning " démokratik we qanunluq" élip bérilghanliqini bildürmekte.

Imanbayéf metbu'atlargha bu heqte ipade bildürüshtin bir kün burun, ikki mingdin artuq öktichi küchler, qirghizistanning ikkinchi chong shehiri oshning hökümet binasini qamal qilip, prézidént aqayéfning istipa bérishini telep qilghan idi.

Mölcherleshlerge qarighanda, aqayéf seyshenbe küni pütün memliket boyiche nutuq sözleydiken. Aqayéfning bayanatchisining éytishiche, öktichilerning herikiti "jinayetchiler" teripidin teshkillen'gen iken.

Gerche esqer aqayéf, saylam üstidin qayta tekshürüsh élip bérishni we öktichiler bilen söhbetlishishni bildürgen bolsimu, lékin qirghizistanda yüz bériwatqan qalaymiqanchiliq yenila dawamlashmaqta. (Eqide)