Хиянәтчилик, қирғизистанниң муқимлиқиға тәһдид елип кәлмәктә


2005-05-05
Share

Мәркизи брюсселдики " тоқунушларниң алдини елиш тәтқиқат мәркизи" пәйшәнбә күни доклат елан қилип, "қирғизистан һөкүмити муқимсизлиқларниң әвҗ елишиниң алдини елиш үчүн, чоқум чирикликкә қарши туруш вә башқа иқтисадий мәсилиләрни һәл қилишқа техиму көп күч чиқириши керәк" - дәп билдүрди.

Мәзкур тәшкилатниң агаһландурушичә, әгәр қирғизистанда нөвәттики вәзийәт тоғра бир тәрәп қилинмай, хәлқ дөләт рәһбириниң исмидин башқа һечниминиң өзгәрмигәнликини һес қилса, у һалда қалаймиқанчилиқ интайин әвҗ елиши мумкин икән.

Доклатта йәнә , қирғизистанда қара гуруһларниң тәсир күчиниң барғансири күчийиватқанлиқи тәкитләнгән.

Доклатта ейтилишичә, сабиқ президент әсқәр ақайефниң ағдурулуши, хәлқниң чириклик, қәбиливазлиқ вә намратлиқтин интайин нарази болғанлиқини намайән қилидикән. Шуңа вақитлиқ президентлиқ вәзиписини өтәватқан қурманбек бақийефму чоқум әсқәр ақайефниң хаталиқлирини қайтилаштин қаттиқ һәзәр әйлиши, өз йеқинлири вә туққанлирини муһим вәзипиләргә қоюштин пәхәс болуши керәк икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт