Qirghizistan yéngi hökümet terkibi


2006-12-03
Share

Uchurlardin qarighanda, qirghizistan bash ministiri flikis qulop yéqinda hökümetni tertipke sélip, yéngi hökümet teshkilini élan qilidighanliqini ashkarilighan.

Perghane agéntliqining uchuridin qarighanda, bu yilqi noyabir namayishida öktichiler qulopni hemde prézidént qurmanbék baqiyéwni wezipisidin istipa bérishqa chaqirghan shuningdek hökümet terkibining normalsizliqini tenqid qilghan idi.

Qirghizistan prézidénti we bash ministiri öktichilerning telipini ijra qilishning yollirini izdep, buningdin kéyin dawamliq yüz bérishi mumkin bolghan naraziliqlarni peseytmekchi bolghan.

Qirghizistandiki weziyetke rusiyimu alahide diqqet qiliwatqan bolup, 28 – 29 - noyabir künliridiki musteqil döletler hemdostluqining yighini jeryanida wladimir putin qirghizistan prézidénti qurmanbék baqiyéw bilen ayrim körüshüp, ikki dölet munasiwetliri we qirghizistanning ichki weziyitini muzakire qilghan. Putin qurmanbék hökümitini qollaydighanliqini tekitligen idi. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet