Қирғизистанниң радио-телевизийә ишлири рәһбири қирғизистандики мәтбуат әркинлики һәққидә тохталди
-
2006-06-05 -
-
-
6-Айниң 2-күни америкини зиярәт қиливатқан қирғизистан дөләтлик радио- телевизийә ширкитиниң президенти қияс молдақасимоп әпәнди радио истансимизниң уйғур бөлүмини зиярәт қилғанда, мухбиримиз үмидвар билән сөһбәт өткүзүп, әсқәр ақайев һөкүмити йиқилғандин кейинки қирғизистан җумһурийитиниң ахбарат әркинлики вә башқа бир қатар мәсилиләр һәққидә тохталди.
Қияс молда қасимоп әпәнди әслидә азадлиқ радиосиниң қирғизистандики шөбисиниң башлиқи болуп, өткән йили 3-айдики инқилабтин кейин , қурманбек бақийев қатарлиқ демократлар ғәлибә қилип, йеңи һөкүмәт тәсис қилинғанда қирғизистан дөләтлик радио-телевизийә баш ширкитиниң президентлиқ вәзиписигә тәйинләнгән иди.
Қияс молдақасимоп әпәнди тарих пәнлириниң кандидат доктури болуп, тонулған җурналист вә тарихчи. У, әсқәр ақайев дәвридә азадлиқ радиосиниң қирғизистан вәзийити һәққидә учур бериш ишлириға шуниңдәк қирғизистандики сөз һәм мәтбуат әркинлики җүмлидин демократийиниң раваҗлиниши үчүн бәлгилик төһпә қошқан әрбабтур.