Qirghizistanning radi'o-téléwiziye ishliri rehbiri qirghizistandiki metbu'at erkinliki heqqide toxtaldi
-
2006-06-05 -
-
-
6-Ayning 2-küni amérikini ziyaret qiliwatqan qirghizistan döletlik radi'o- téléwiziye shirkitining prézidénti qiyas moldaqasimop ependi radi'o istansimizning Uyghur bölümini ziyaret qilghanda, muxbirimiz ümidwar bilen söhbet ötküzüp, esqer aqayéw hökümiti yiqilghandin kéyinki qirghizistan jumhuriyitining axbarat erkinliki we bashqa bir qatar mesililer heqqide toxtaldi.
Qiyas molda qasimop ependi eslide azadliq radi'osining qirghizistandiki shöbisining bashliqi bolup, ötken yili 3-aydiki inqilabtin kéyin , qurmanbék baqiyéw qatarliq démokratlar ghelibe qilip, yéngi hökümet tesis qilin'ghanda qirghizistan döletlik radi'o-téléwiziye bash shirkitining prézidéntliq wezipisige teyinlen'gen idi.
Qiyas moldaqasimop ependi tarix penlirining kandidat dokturi bolup, tonulghan jurnalist we tarixchi. U, esqer aqayéw dewride azadliq radi'osining qirghizistan weziyiti heqqide uchur bérish ishlirigha shuningdek qirghizistandiki söz hem metbu'at erkinliki jümlidin démokratiyining rawajlinishi üchün belgilik töhpe qoshqan erbabtur.