Қирғизистанда алдимиздики йәкшәнбә күни президент сайлими өткүзүлиду. Хәвәрләргә қариғанда, март ейида әсқәр ақайеф һакимийити хәлқ қозғилиңи нәтиҗисидә ағдурулғандин бери, қирғизистанни идарә қилип келиватқан қурманбек бақийеф, әң күчлүк президент намзати һесаблинидикән.
Америка бирләшмә агентлиқиниң хәвәр қилишичә, көпчилик йәкшәнбә елип берилидиған президент сайлимида бақийефниң ғәлибә қилидиғанлиқиға вә бу сайламниң март ейида елип берилған парламент сайлимиға қариғанда әркин вә адаләтлик бир сайлам болидиғанлиқиға ишинидикән. Лекин, бәзи анализчилар, бақийефниң президент сайлимидики риқабәтчилири наһайити аҗиз болғанлиқи үчүн, қирғизистанда йәнә әсқәр ақайиф һакимийитигә охшаш мутләқ бир һакимийәтниң қайтидин йилтиз тартишидин әндишә қилидикән.
Бақийеф демократийигә һөрмәт қилидиғанлиқини вә демократик принсиплардин айрилмайдиғанлиқини тәкитлимәктә. Әмма йәкшәнбә күни елип берилидиған президент сайлимида, президент намзати болған, қирғизистан демократийә паалийәтчиси җаппар җәкшийеф қирғизистан һөкүмәт әмәлдарлирини, бақийефниң президент сайлимидики риқабәтчилириниң әркин паалийәт елип беришиға тосқунлуқ қиливатиду дәп әйиблиди.
Қирғизистан парламинтиниң рәиси өмәрбек тикәбайеф, бақийефниң президент сайлимида ғәлибә қилиш еһтималлиқиниң наһайити юқири икәнликини, чүнки сайламда башқа намзатларниң бақийефқа охшаш имканийәтләргә игә әмәсликини билдүрди. (Қанат)
Мунасивәтлик мақалилар
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Шаңхәй кочилиридики сәргәрдан уйғур йигити вә хитай завутлириға йөткәлгән уйғурлар
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
- Әнгилийәдики бир тәшкилат әнглийәниң уйғур елидики вәһшиликкә четишлиқ хитай сақчи органлири билән болған алақисини паш қилди
