Qurmanbék baqiyéf qirghizistanning yéngi prézidénti bolup saylandi


2005.07.11
Share on WhatsApp
Share on WhatsApp

Qirghizistan saylam komitéti re'isi yekshenbe küni qirghizistanda ötküzülgen prézidént saylimida, qurmanbék baqiyéfning qirghiz xelqining mutleq köpchilikining awazi bilen qirghizistanning prézidénti bolup saylan'ghanliqini jakarlidi.

Qirghizistan saylam komitéti re isi tuyghun'eli abdurehimof düshenbe küni bayanat élan qilip, qurmanibék baqiyéfning yekshenbe küni ötküzülgen saylamda awazlarning 86٪ ni qolgha keltürgenlikini bildürdi. Uning éytishiche, baqiyéfning prézidént saylimidiki eng küchlük riqabetchisi awazlarning aran 4٪ ni qolgha keltürgen.

Qirghizistandiki prézidént saylimini küzetken, yawrupa bixeterlik we hemkarliq teshkilati we yawrupa parlaménti mutexessisliridin teshkil tapqan bir közetküchiler guruppisi qirghizistanda ötküzülgen prézidént saylimi toghrisida élan qilghan bayanatida, bu qétimqi saylam, erkin we adaletlik saylam ötküzüsh mesiliside qirghizistanning xelq'ara démokratik ölchemlerge yéqinlashqanliqini körsitidu, dégen.

Yekshenbe künidiki saylamda awazlarning mutleq köp qismini qolgha keltürgen baqiyéf düshenbe küni bergen bayanatida, saylam netjisining qirghizistan xelqining mart éyidiki xelq inqlabigha bolghan ishenchisini ipadiligenlikini tekitlep, qirghizistanda chiriklikke qarshi küresh qilidighanliqini we prézidént salahiyitining bir qismini bash ministirgha ötküzüp béridighanliqini bildürdi.

Baqiyéf, bu yil mart éyidin béri, yeni qirghizistandiki esqer aqayéf hakimiyiti bir qétimliq xelq qozghilingi bilen gumran bolghandin biri, qirghizistanda waqitliq prézidént wezipisini ötep kelmekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.