Қазақистан ақ йол партийиси рәиси алтунбекниң өлтүрүлүш дилоси мурәккәпләшмәктә


2006-02-23
Share

Қазақистан сақчи даирилири қазақистан парламенти кеңәш палатасиниң алий дәриҗилик хадими әрҗан утәмбайифни ақйол партийисиниң рәиси алтунбек сәрсанбайифниң өлтүрүлүшигә читишлиқ дәп қолға алғандин кейин, қазақистан өктичи һәрикитиниң рәһбәрлири, қазақистан парламинтиниң рәиси абикайифни истипаға чақирди.

Америка бирләшмә агентлиқиниң 23 ‏- феврал күни бәргән хәвиригә қариғанда, қазақистан сиясий өктичилири, 11‏- фиврал күни өлтүрүлгән сәрсанбайифниң сиясий сүйиқәстниң қурбани болғанлиқини билдүрмәктә. 43 яштики сәрсәнбайиф алматада қоғдиғучиси вә шопури билән бирликтә өлтүрүлгән.

Қазақистан өктичи һәрикитиниң рәһбәрлири 23‏- фиврал күни бир баянат елан қилип, әрҗан утәмбайифниң, сәрсанбайифни өлтүрүлүш һәрикитини пиланлаш иқтидариға игә әмәсликини тәкитләп, қазақистан парламинт рәиси нуртай абикайифниң дәрһал вәзиписидин истипа беришини тәләп қилди. Абикайиф бурун қазақистан миллий бихәтәрлик кеңишиниң рәислик вәзиписини өтигән иди.

Буниңдин сирт қазақистан сиясий өктичилири йәнә , чаршәнбә күни сәрсанбайифниң өлтүрүлүши сәвәбидин президент назарбайифниң қизи дариға назарбайиф вә униң йолдиши ракат алийифниң сораққа тартилишини тәләп қилған иди .

Хәвәрләргә қариғанда, раһәт алийеф вә дарига нәзәр байифниң, сәрсанбайиф билән шиәхси зиддийити бар икән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт