Afghanistandiki toqunushlarda az dégende 40 taliban jengchisi öldi


2005.07.26
Share on WhatsApp
Share on WhatsApp

Afghanistan milliy armiyisi we amérika herbiy qisimlirining afghanistanning jenubiy rayonigha jaylashqan uruzgan ölkiside taliban qalduqlirigha qarita élip barghan bir qétimliq tazilash herikitide azdigende 40 taliban jengchisi ölgen.

Fransiye agéntliqining afghanistanning qendehar shehiridin xewer qilishiche, afghan milliy armiyisi we amérika qisimliri bilen taliban jengchiliri otturisida yüz bergen toqunushlarda bir amérika eskiri ölgen.

Talibanlarning bayanatchisi molla abdulletip hakimi, bu qétimqi hujumning talibanlar üchün éghir bir zerbe hésablinidighanliqini hemde amérika qisimlirining hujumi netijiside talibanlarning uruzgan ölkisidiki asasliq bazisining pütünley weyran qilin'ghanliqini bildürdi.

Afghanisitanda 18 - séntebir küni élip bérilidighan parlamént saylimi harpisida, taliban we elqa'ide qalduqliri hujumlirini künséri kücheytmekte. Bu yil afghanistanda yüz bergen toqunushlar we térrorluq hujumlirida 800 din artuq adem ölgen bolup, bu yilning aldinqi yette éyi ichide ölgen amérika eskerlirining sani 38 ge yitidu. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.