Түркмәнистан америка билән кәң алақә қилишқа һәрикәт қилмақта


2007-06-24
Share

Дөләтни 20 йилдин артуқ вақит диктаторлуқ билән идарә қилип, америка башлиқ ғәрб дөләтлири билән болған мунасивәткә соғуқ муамилә тутқан сәпәр мурат ниязофниң өлүмидин кейин түркмәнистан президенти болған қурбангул бәрдимуһәммәдоф рәсмий рәвиштә америка қошма штатлири билән болған алақилирини кеңәйтишкә вә тәрәққи қилдурушқа тәйяр икәнликини билдүргән.

Түркмәнистан учур торлириниң ашкарилишичә, америка армийисиниң мәркизий асиядики қошунлириниң қомандани вилям фаллон һәмдә америка ташқи ишлар министирликиниң әрбаблири қурбангул бәрдимуһәммәдоф билән вашингтон- ашхабад мунасивәтлири һәққидә пикирләшкән һәмдә икки дөләт арисидики хәвпсизлик бойичә һәмкарлиқни давамлаштуридиғанлиқини тәкитлигән. Түркмән президенти америка һәрбий қомандани билән болған сөһбәттә түркмәнистанниң каспи деңиз арқилиқ ғәрбкә тәбиий газ екиспорт қилишни халайдиғанлиқини тәкитлигән.

Нөвәттә, америка билән түркмәнистан арисида һәрбий -бихәтәрлик саһәсидә һәмкарлиқ орнитилған болуп, түркмәнистан һәрбий-сақчи һәм разветка хадимлири америкида билим ашуруш вә тәрбийилиниш пурсәтлиригә еришкән. Америка мудапиә министирлиқи ашхабад билән америка айропиланлириниң түркмәнистан һава бошлуқидин өтүш һәмдә марий шәһригә җиддий әһвал астида қонуш һәққидә пүтүшүм һасил қилған болуп, бу һазирғичә күчкә игә болған.

Америка тәрәп қурбангул бәрдимуһәммәдофниң демократик ислаһат елип беришини тәшәббус қилған болуп, бәрдимуһәммәдоф бу һәқтә хәлқара җәмийәткә бәзи вәдилирини елан қилған иди. Лекин, түркмәнистан рәһбири йеқинда русийини зиярәт қилди һәмдә президент путин вә қазақ рәһбири назарбайеф билән тәбиий газ турубиси ятқузуш келишими һасил қилип, түркмәнистан газлирини русийигә беришкә қошулди.

Хәвәрләрдин қариғанда, түркмәнистанниң хитай биләнму тәбиий газ келишими бар болуп, ашхабадни зиярәт қилған бир хитай вәкилиниң ейтишичә, хитай һөкүмити мәзкур йеңи түркмәнистан президентиниң бейҗиңни зиярәт қилишини тәқаззалиқ билән кетиветипту. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт