Түркмәнистан йеңи тәбий газ турубба йоли қурулушини башлиди


2007-08-30
Share

Түркмәнистан президенти қурбангүл бәрдимуһәммәдоф, түркмәнистанниң тәбий газини хитайға експорт қилидиған тәбий газ турубисиниң қурулушини башлатқанлиқини билдүрди.

Түркмәнистан ахбарат васитилириниң хәвәр қилишичә, түркмәнистан президенти бәрдимуһәммәдоф, чаршәнбә күни өткүзүлгән бир мурасим билән, түркмәнистан, өзбекистан, қазақистандин өтүп, уйғур елидин хитайниң ғәрбий райониға созулидиған, 7000 километир узунлуқтики тәбий газ турубисиниң қурулушини рәсмий башлатқан.

Хитайниң әң чоң нефит ширкити һесабланған, хитай дөләтлик нефит ширкити, июл ейида бу тәбий газ турубиси арқилиқ 30 йил ичидә түркмәнистандин хитайға 30 милярд купметир тәбий газ импорт қилидиғанлиқини җакарлиған иди.

Бу йил феврал ейида түркмәнистан президентлиқиға сайланған бәрдимуһәммәдоф, хитай вә русийә ширкәтлири билән кәң көләмлик енергийә келишимлири имзалиған.

Түркмәнистан дунядики әң чоң тәбий газ експорт қилидиған дөләтләрниң бири һесаблиниду. Хәвәрләргә қариғанда, түркмәнистан һәр йили 70 милярд купметир тәбий газ експорт қилиду. Лекин түркмәнистан тәбий газ експорт йоллириниң һәммиси русийиниң контроллуқида болуп, ғәрб дөләтлири түркмәнистанни тәбий газини експорт қилиш үчүн русийидин башқа йолларни таллашқа үндәп кәлмәктә. Лекин бәрдимуһәммәдоф май ейида йәнә , русийә вә қазақистан рәһбәрлири билән йеңи бир тәбий газ туруббиси ясаш мәсилисидә келишти. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт