Türkmenistan yéngi teb'iy gaz turubba yoli qurulushini bashlidi

Türkmenistan prézidénti qurban'gül berdimuhemmedof, türkmenistanning teb'iy gazini xitaygha éksport qilidighan teb'iy gaz turubisining qurulushini bashlatqanliqini bildürdi.

Türkmenistan axbarat wasitilirining xewer qilishiche, türkmenistan prézidénti berdimuhemmedof, charshenbe küni ötküzülgen bir murasim bilen, türkmenistan, özbékistan, qazaqistandin ötüp, Uyghur élidin xitayning gherbiy rayonigha sozulidighan, 7000 kilométir uzunluqtiki teb'iy gaz turubisining qurulushini resmiy bashlatqan.

Xitayning eng chong néfit shirkiti hésablan'ghan, xitay döletlik néfit shirkiti, iyul éyida bu teb'iy gaz turubisi arqiliq 30 yil ichide türkmenistandin xitaygha 30 milyard kupmétir teb'iy gaz import qilidighanliqini jakarlighan idi.

Bu yil féwral éyida türkmenistan prézidéntliqigha saylan'ghan berdimuhemmedof, xitay we rusiye shirketliri bilen keng kölemlik énérgiye kélishimliri imzalighan.

Türkmenistan dunyadiki eng chong teb'iy gaz éksport qilidighan döletlerning biri hésablinidu. Xewerlerge qarighanda, türkmenistan her yili 70 milyard kupmétir teb'iy gaz éksport qilidu. Lékin türkmenistan teb'iy gaz éksport yollirining hemmisi rusiyining kontrolluqida bolup, gherb döletliri türkmenistanni teb'iy gazini éksport qilish üchün rusiyidin bashqa yollarni tallashqa ündep kelmekte. Lékin berdimuhemmedof may éyida yene , rusiye we qazaqistan rehberliri bilen yéngi bir teb'iy gaz turubbisi yasash mesiliside kélishti. (Ömer qanat)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar