Özbékistan türmiliride siyasiy mehbuslar qattiq bésimgha duch kelmekte


2006-12-25
Share

Kishilik hoquq teshkilatliri we özbékistan siyasiy öktichiliri özbékistan türmiliride siyasiy tutqunlarni wehshi usullar bilen qiynash we ulargha her türlük bésim ishlitish qilmishlirining dawamlishiwatqanliqini bildürmekte. Ularning éytishiche, bolupmu özbékistanning gherbiy rayonigha jaylashqan qaraqalpaqistandiki "jasliq türmisi" özbékistandiki siyasiy mehbuslarni qiynash mesiliside bir simwolgha aylan'ghan.

Kishilik hoquq teshkilatliri 2002‏- yilida jasliq türmiside, özbék da'irilirining ikki mehbusni qattiq qiynighanliqini we ularni qaynaq sugha tashlap öltürgenlikini xewer qilghandin kéyin, asasen musulman pa'aliyetchiler tutup turuluwatqan bu türme özbékistanda bir dehshet simwolgha aylan'ghan. 2002‏- Yili özbékistanni ziyaret qilghan b d t ten jazasigha qarshi komitétning wekili özbékistanda türmilerdiki qiyin- qistaqlarning üzlüksiz dawamlishiwatqanliqini bildürgen idi.

Ötken hepte özbékistanda türmilerdiki qiyin- qistaqlar heqqide xewer bergen musteqil özbék uchurliri tor béti, jasliq türmiside mehbuslarning uruq- tughqanliridin igiligen uchurlargha asasen bergen melumatida, jasliq türmisidiki mehbuslargha qaritilghan bésim we dehshetlik ten jazalirining dawamlishiwatqanliqini bildürdi.

Lékin özbékistan ichki ishlar minisitirliqining türmiler bash teptishi faruq muhemmedof, özbékistanda siyasiy mehbuslargha qaritilghan qiynash we bésimlar toghrisidiki xewerlerni ret qilip, bu xewerlerni asassiz dep körsetti. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet