ئۆزبېكىستان بىلەن قىرغىزىستان ۋىزا تۈزۈمىنى ۋاقتىنچە بىكار قىلدى
2007.02.18
ئۆزبېكىستان بىلەن قىرغىزىستان ئارىسىدىكى يەتتە يىلدىن بۇيان داۋاملىشىۋاتقان ۋىزا تۈزۈمى ۋاقتىنچە بىكار قىلىندى.
ئامېرىكا ئاۋازى رادىئوسىنىڭ ئىگىلىگەن ئۇچۇرىدىن قارىغاندا، ئۆزبېكىستان بىلەن قىرغىزىستان ئارىسىدىكى قارا سۇ قاتارلىق چېگرا پونكىتلىرىدا 15 - فەۋرالدىن ئېتىبارەن ئىككى تەرەپ ئاھالىلىرىنىڭ ۋىزاسىز بېرىپ كېلىشى باشلانغان. بىراق، بۇ ۋىزاسىز بېرىپ كېلىشنىڭ مۆھلىتى 60 كۈن بولۇپ، مۆھلەت توشقاندىن كېيىن يەنە قانداق بەلگىلىمە چىقىدىغانلىقى ھازىرچە مەلۇم ئەمەس ئىكەن.
ئۆزبېكىستان بىلەن قىرغىزىستان ئارىسىدىكى ۋىزا تۈزۈمى 1999 - 2000 - يىللىرىدا ئۆزبېكىستان ئىسلامىي ھەرىكىتى دەپ ئاتالغان تەشكىلاتنىڭ قىرغىزىستاننىڭ باتكەن قاتارلىق جەنۇبىي ۋىلايەتلىرىدە قوراللىق ھەرىكەتلىرى يۈز بەرگەندە يولغا قويۇلغان ئىدى.
ئەسلىدە ئۆزبېكىستان –قىرغىزىستان چېگرىسىنىڭ ئىككى تەرىپىدىكى ئەنجان ۋە ئوش ۋىلايەتلىرىدىكى ئاھالىلار ئەسىرلەردىن بەرى ئەركىن بېرىپ كېلىش قىلغان، ئۇلارنىڭ ئارىسىدا دۆلەت چېگرا ئۇقۇمى بولمىغان ئىدى، بىراق 2000 - يىلى ۋىزا تۈزۈمى يولغا قويۇلۇش بىلەن ئىككى تەرەپ پۇقرالىرى ئارىسىغا نۇرغۇن قولايسىزلىقلار كېلىپ چىققان. (ئۈمىدۋار)
مۇناسىۋەتلىك ماقالىلار
- قىرغىزىستاننىڭ چەتئەللىك تىجارەتچىلەرنىڭ دۇكان ئىچىپ سودا قىلىنىشىنى چەكلىشى ئۇيغۇرلارغىمۇ تەسىر كۆرسىتىدۇ
- قىرغىزىستان شاڭخەي ھەمكارلىق تەشكىلاتىنىڭ ئالىي يىغىنى ئۆتكۈزۈش تەييارلىقى قىلماقتا
- تاشكەنت ئىسلام مەدەنىيەت پايتەختى بولدى
- قىرغىزىستاننىڭ چەتئەللىك سودىگەرلەرنىڭ تىجارىتىنى چەكلەش ھەرىكىتى نىمە مەقسەتتە يولغا قويۇلدى ؟
- ئۆزبېكىستان تۈرمىلىرىدە سىياسىي مەھبۇسلار قاتتىق بېسىمغا دۇچ كەلمەكتە