Росийидики икки айрупиланниң қазаға йолуқуш сәвәблири тәкшүрүлмәктә

Сәйшәнбә күни москиваниң җәнубида арқа-арқидин қазаға йолуққан, росийиниң икки йолучилар айрупиланиниң учуш җәряни хатириләнгән қара қутиси байқалған болуп, нөвәттә мунасивәтлик даириләр айрупиланниң чүшүп кетиш сәвәбини җиддий тәкшүрмәктә.

Росийә қатнаш министирликиниң билдүришичә, улар вәқәниң бир қетимлиқ террорлуқ һоҗуммувә яки кишиләрниң бихәстилики вә техника кашилисидин килип чиққан һадисимудигән мәсилиләр үстидә тәкшүрүш елип бармақта икән.

Росийиниң икки данә ту 154 - типлиқ йолучилар айрупилани сәйшәнбә күни кәчтә арқа арқидин чүшүп кетип, җәми 89 дәк йолучи вә хизмәтчи хадимниң һәммиси өлгән иди. Уларниң арисидики бир айрупиландин йәргә чүшүп кетиштин илгири айрупиланниң буланғанлиқ һәққидә сегнал берилгәнлики билдүрүлгән.

Росийә бихәтәрлик даирилири, вәқәниң айрупиланларниң узақ вақит римонтсиз қелишидин келип чиққан болуш иһтималлиқиниң юқирилиқини билдүргән. Әмма росийә мәтбуатлири бу вәқәни әтраплиқ пиланланған бир террорлуқ һәрикәт дәп атап, буниң чечәнистанда пат арида өткүзүлмәкчи болған прездент сайлими билән алақиси барлиқини көрсәтмәктә.

Росийә һөкүмити пәйшәнбә күнини "тәзийә билдүрүш күни" дәп елан қилған болуп, росийиниң һәр қайси җайлирида айрупилан вәқәсигә учриғанларға тәзийә мурасими өткүзүлгән. (Арзу)