Rosiyidiki ikki ayrupilanning qazagha yoluqush sewebliri tekshürülmekte


2004.08.26
Share on WhatsApp
Share on WhatsApp

Seyshenbe küni moskiwaning jenubida arqa-arqidin qazagha yoluqqan, rosiyining ikki yoluchilar ayrupilanining uchush jeryani xatirilen'gen qara qutisi bayqalghan bolup, nöwette munasiwetlik da'iriler ayrupilanning chüshüp kétish sewebini jiddiy tekshürmekte.

Rosiye qatnash ministirlikining bildürishiche, ular weqening bir qétimliq térrorluq hojummuwe yaki kishilerning bixestiliki we téxnika kashilisidin kilip chiqqan hadisimudigen mesililer üstide tekshürüsh élip barmaqta iken.

Rosiyining ikki dane tu 154 - tipliq yoluchilar ayrupilani seyshenbe küni kechte arqa arqidin chüshüp kétip, jem'i 89 dek yoluchi we xizmetchi xadimning hemmisi ölgen idi. Ularning arisidiki bir ayrupilandin yerge chüshüp kétishtin ilgiri ayrupilanning bulan'ghanliq heqqide ségnal bérilgenliki bildürülgen.

Rosiye bixeterlik da'iriliri, weqening ayrupilanlarning uzaq waqit rimontsiz qélishidin kélip chiqqan bolush ihtimalliqining yuqiriliqini bildürgen. Emma rosiye metbu'atliri bu weqeni etrapliq pilanlan'ghan bir térrorluq heriket dep atap, buning chéchenistanda pat arida ötküzülmekchi bolghan prézdént saylimi bilen alaqisi barliqini körsetmekte.

Rosiye hökümiti peyshenbe künini "teziye bildürüsh küni" dep élan qilghan bolup, rosiyining her qaysi jaylirida ayrupilan weqesige uchrighanlargha teziye murasimi ötküzülgen. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.