Хитай қирғизистанға бихәтәрлик әслиһәлирини ианә қилди


2004.12.09
Share on WhatsApp
Share on WhatsApp

Хитай җамаәт хәвпсизлик министирлиқи, қирғизистан даирилириниң уйғур миллий мустәқиллиқ һәрикәтлирини бастуришини риғбәтләндүрүш үчүн, қирғизистанға йәнә бир түркүм бихәтәрлик әслиһәлирини ианә қилди, һәмдә уларни торғат еғизида қирғизистан сақчи даирилиригә өткүзүп бәрди.

Хитай хәвәр ториниң хәвиригә қариғанда, сәйшәнбә күни хитай сақчи даирилири өткүзүп бәргән әслиһәләр 30 данә сақчи җип машиниси вә бир йүрүш қошумчә әслиһәләрни өз ичигә алған болуп, қиммити икки милйон йүәндин ашидикән.

Бу хитай җамаәт хәвпсизлик министирлиқиниң 2001 - йилидин буян қирғизистанға ианә қилған төтинчи түркүм ярдәм боюмлири болуп һесаблиниду.

Икки тәрәп әмәлдарлири сәйшәнбә күни торғат еғизида өткүзүлгән ианә тапшуривелиш мурасимида, хитай билән қирғизистанниң " үч хил күч" ләргә зәрбә бериш җәһәттә нәтиҗиләрни қолға кәлтүргәнликини алаһидә тәкитләп, бу саһәдики һәмкарлиқни техиму күчәйтидиғанлиқини билдүргән.

Хитай һөкүмити уйғурларниң оттура асиядики миллий мустәқиллиқ һәрикәтлирини бастуруш үчүн, оттура асия дөләтлиригә иқтисадий ярдәмни күчәйтмәктә.(Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.