Amérikidiki katta bay soros qirghizistan hökümet xadimlirigha ma'ash bérishni pilanlimaqta
2005.06.15
Amérikidiki eng chong baylarning biri bolghan hemde kishilik hoquq ishlirigha yéqindin köngül bölüdighan bay jorj soros, qirghizistanda chiriklikning aldini élish üchün qirghizistan hökümet xadimlirining ma'ashini bérishni pilanlimaqta.
Roytérs agéntliqining xewirige qarighanda, jorj soros bu sözlerni qazaqistanning almata shehiride ötküzülgen bir soda yighinida qilghan bolup, u, bu mebleghning 10 - iyoldiki prézidént saylimidin kéyin békitilishi mumkinlikini bildürdi.
Jorj soros gruziyigimu mushu xildiki yardemni bergen bolup, u özi chiqarghan mebleghdin sirt yene, birleshken döletler teshkilati tereqqiyat guruppisi we bashqa i'ane qilghuchilarning yardimi bilen bu pullarni toplighan. Shundaqla uning groziye üchün toplighan meblighi bilen gruziyidiki hökümet xadimlirining her birige éyigha 1200 amérika dolliri ma'ash bergen.
Jorj soros sözide yene, "men qirghizistan prézidént saylimidin kéyin, b d t tereqqiyat guruppisining bashlamchiliqi bilen bu yergimu mushundaq yardem bérishni xalaymen. Shundaqla men bu yerge hesse qoshushtin xushalliq hés qilimen" dédi.
Ötkenki 2 yildin buyan gruziye, ukra'iniye we qirghizistanlarda hökümetning chiriklishishi sewebidin, buninggha narazi bolghan xelq qarshiliq körsitip, prézidéntni aghdurup tashlighan idi. Shunga yéngi berpa bolghan hökümette chiriklikning aldini élish, aldinqi wezipe bolup qalghan. (Peride)
Munasiwetlik maqalilar
- Qirghizistanning osh shehiride saqchilar namayishchilargha oq chiqardi
- Qirghizistanda zakazliq öltürüshler dawamlashmaqta
- B d t qirghizistan da'irilirining 4 neper özbék musapirni dölitige qayturuwétish herikitini eyiplidi
- Qirghizistan, sabiq bash ministir tanayéwning üstidin tutush buyruqi chiqarghan
- Türkiye parlaménti qirghizistanning qanun tüzüshige yaridemleshmekchi