У а р һөкүмәтниң вәкилләр өмики қазақистанни зиярәт қилди


2005-11-02
Share

‎ Уйғур аптонум районлуқ һөкүмәтниң муавин рәиси җаппар һәбибулла йитәкчиликидики ‎бир вәкилләр өмики чаршәнбә күни қазақистандики зияритини ахирлаштурди. ‎

‎ Қазақистандики алақидар кишиләрдин игилишимизчә , мәзкур вәкилләр өмики қазақистан ‎җумһурийәтлик уйғур мәдәнийәт мәркизиниң тәклиби билән астаниға кәлгән һәмдә ‎қазақистанниң һәр қайси җайлиридики уйғур җамаити билән учрушуш паалийити елип барған. ‎Қазақистанниң хитайдики әлчихана хадимлири баштин ахир уларниң паалийәтлиригә ‎қатнашқан. ‎

‎ Уйғур аптунум раюнлуқ һөкүмәтниң вәкилләр өмики зияритини ахирлаштурушниң ‎һарписида, чаршәнбә күни йәнә алматадики бир уйғуршунаслиқ мәркизигә берип, ‎қазақистанниң һәр қайси җайлиридин кәлгән алимлар билән учрашқан вә уларниң ‎тәтқиқатлириға ярдәм беришни халайдиғанлиқини билдүргән. Әмма учрушушта, ‎вәкилләр өмики хитай һөкүмитиниң уйғур елида елип бериватқан маарипни ‎хитайчилаштуруш сиясити һәққидә соал сорашқа пурсәт бәрмигән . ‎

‎ Җаппар һәбибулла башчилиқидики хитайниң вәкилләр өмикиниң зиярити сәккиз күн давам ‎қилған. Әмма қазақистан вә хитай мәтбуатлири хитай вәкилләр өмикиниң бу зиярити ‎һәққидә һечқандақ хәвәр бәрмиди. (Арзу)‎

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт