U a r hökümetning wekiller ömiki qazaqistanni ziyaret qildi


2005-11-02
Share

‎ Uyghur aptonum rayonluq hökümetning mu'awin re'isi jappar hebibulla yitekchilikidiki ‎bir wekiller ömiki charshenbe küni qazaqistandiki ziyaritini axirlashturdi. ‎

‎ Qazaqistandiki alaqidar kishilerdin igilishimizche , mezkur wekiller ömiki qazaqistan ‎jumhuriyetlik Uyghur medeniyet merkizining teklibi bilen astanigha kelgen hemde ‎qazaqistanning her qaysi jayliridiki Uyghur jama'iti bilen uchrushush pa'aliyiti élip barghan. ‎Qazaqistanning xitaydiki elchixana xadimliri bashtin axir ularning pa'aliyetlirige ‎qatnashqan. ‎

‎ Uyghur aptunum rayunluq hökümetning wekiller ömiki ziyaritini axirlashturushning ‎harpisida, charshenbe küni yene almatadiki bir Uyghurshunasliq merkizige bérip, ‎qazaqistanning her qaysi jayliridin kelgen alimlar bilen uchrashqan we ularning ‎tetqiqatlirigha yardem bérishni xalaydighanliqini bildürgen. Emma uchrushushta, ‎wekiller ömiki xitay hökümitining Uyghur élida élip bériwatqan ma'aripni ‎xitaychilashturush siyasiti heqqide so'al sorashqa purset bermigen . ‎

‎ Jappar hebibulla bashchiliqidiki xitayning wekiller ömikining ziyariti sekkiz kün dawam ‎qilghan. Emma qazaqistan we xitay metbu'atliri xitay wekiller ömikining bu ziyariti ‎heqqide héchqandaq xewer bermidi. (Arzu)‎

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet