Түркийә афғанистанда турушлуқ армийисиниң санини көпәйтидиғанлиқини қарар қилди


2008-03-20
Share

Түркийә ташқи ишлар министири бабаҗан пәйшәнбә күни, афғанистанда турушлуқ армийә санини көпәйтишни ойлишиватқанлиқини билдүрди. Илгири түркийә тәрәп, афғанистанда әскәр көпәйтишни қәтий рәт қилған болуп, бу қетим бабаҗан, шималий атлантик әһди тәшкилатиға әза дөләт болуш сүпити билән, түркийиниң чоқум бу мәсулийәтни үстигә елиши керәкликини оттуриға қойди.

Түркийә ташқи ишлар министири бабаҗан йәнә, түркийиниң бир қанчә күн ичидә афғанистандики түркийә армийиси мәсилиси үстидә ениқ бир қарар чиқиридиғанлиқини тәкитлиди. Бабаҗан бу сөзләрни афғанистан ташқи ишлар министири сәттарниң түркийидә елип барған икки күнлүк зиярити давамида ипадилигән.

Түркийиниң тәхминән 1200 кишилик һәрбий қисми афғанистанниң кабул шәһиригә җайлашқан, түркийә бурун, талибанларниң қаршилиқ көрситиш һәрикәтлири әң әвҗ алған афғанистанниң җәнубида әскәр турғузушни изчил түрдә рәт қилип кәлгән.

Канада, америка вә әнгилийә қисимлири афғанистандики асаслиқ уруш вәзиписини үстигә алған болуп, канада әгәр шималий атлантик әһди тәшкилати қошунини көпәйтмисә, өз армийисини чекиндүридиғанлиқини агаһландурди. Шуңа америка тәхминән 3 миң 200 нәпәр деңиз армийиси вә қуруқлуқ армийә қисимлирини афғанистанға орунлаштурған иди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт