D u q rehberliri gwentanamodin silowakiye jaylashturulghan Uyghurlardin hal soridi

19-Yanwar küni dunya Uyghur qurultiyi ijra'iye komitéti re'isi dolqun eysa, mu'awin re'isi esqer jan, dunya Uyghur qurultiyi diniy ishlar komitéti mudiri tuyghunjan alawudun we yawropa sherqiy türkistan birliki re'isi enwerjandin terkib tapqan hey'et gwentanamodin silowakiye jaylashturulghan Uyghurlardin hal soridi.

Hey'et bu 3 Uyghurgha d u q re'isi rabiye qadir xanimning we pütün dunyadiki Uyghurlarning salimini yetküzgendin bashqa, gérmaniyening myunxén shehiridiki Uyghurlarning sowghatlirinimu yetküzüp berdi. Bu toghrida ziyaritimizni qobul qilghan d u q ijra'iye komitéti mudiri dolqun eysa ependi bilen enwer jan ependi 12 yil Uyghurlardin ayrilip qalghandin kéyin silowakiye orunlashturulghan bu Uyghurlarning keypiyatining nahayiti yuqiri ikenlikini, 12 yil jeryanida özlirini ilmiy we diniy jehetlerdin yaxshi yétishtürgenlikini dédi.

Abdusopur, seydullah we haji isimlik bu üch Uyghurning silowakiye orunlashturulushi bilen gwentanamoda birmu Uyghur qalmidi.