Хитай 38-күнидиму бай көмүркан һуҗумчилирини тапалмиди
2015.10.26
Ақсу байда йүз бәргән соған көмүркан һуҗумидин кейин башланған хитай қораллиқ қисимлириниң һуҗум гумандарлирини издәш мәшғулати бүгүн 38-күнигә қәдәм қойди.
Мухбиримизниң бүгүн байдики терәк базар вә қошна йезилардики сақчихана вә алақидар идарә-җәмийәтләрниң бихәтәрлик нөвәтчи хадимлиридин ениқлишичә, гумандарлар та бүгүнгичә йәни 26-өктәбир күнигә қәдәр тутулмиған. Ақсу байдики хитай қораллиқ қисимлириниң чарлаш вә тутуш мәшғулати изчил һалда давам қилмақта. Әмма даириләрниң, вәқә гумандарлирини тепишқа қайси дәриҗидә тиришчанлиқ көрситиватқан болса, вәқә учуриниң җәмийәткә вә дуняға ашкариланмаслиқи үчүнму шу дәриҗидә тиришчанлиқ көрситиватқанлиқи, йәни учур контролини қаттиқлаштурғанлиқи зиярәт обйектлириниң еһтиятчан вә әнсиз җаваблиридин мәлум.
Тәпсилатини юқиридики аваз улинишидин аңлиғайсиләр.