Kuchaning bostan kentide mesile tapshurghan 7 kishi üstidin ochuq sot échilghan

Muxbirimiz shöhret hoshur
2017.01.31
Share on WhatsApp
Share on WhatsApp
mekit-kolliktip-sot.jpg 22-May ürümchi etigenlik bazar hujumidin kéyin, Uyghurlargha térrorchi qalpiqini kiydürüp, mekit nahiyiside échilghan kolléktip sot meydanidin körünüsh. 2014-Yili 10-iyun.
Oqurmen teminligen

Ötken hepte aqsuning shayar nahiyiside mesile tapshurush siyasiy herikiti dawamlishiwatqanliqi heqqide xewer bergen iduq. Bügün ashkarilinishiche, kucha nahiyisining uzun bazar bostan kentide ochuq meydan soti échilip 7 kishi üstidin höküm chiqirilghan. Hökümde mesile tapshurghan 4 kishi 1 yildin 3 yilghiche késilip, jazasi sirtta ijra qilinishqa buyrulghan؛ mesilisini toluq tapshurmighan ikki kishi neq meydanda koyza-kishenlen'gen halette sot kollégiyisige ötküzüp bérilgen.

Uzun bazarliq saqchi ponkitining bostan kentige mes'ul saqchi xadimi we bostan kentidiki bir mehelle bashliqining ashkarilishiche, mezkur ochuq meydan sotigha 1000gha yéqin kishi qatnashqan.

Jazalan'ghanlar seypidin hémit, exet abdullah we melike hémit qatarliqlar bolup, bularning ichide qilmishi eng éghir bolghanliri dominika arqiliq hijret teshwiqatini körgen, anglighan we tarqatqanlar iken.

Melum bolushiche, xitayning bu tür ochuq meydan sotliri 2014‏-yili 6-ayda bashlan'ghan qattiq zerbe bérish dolqunidin kéyin bashlan'ghan. Siyasiy délolarni yillardin béri yépiq halette échip kéliwatqan we bu sewebtin xelq'ara jama'etning tenqidige uchrap kéliwatqan xitay da'irilirining, emdilikte birdinla ochuq sotni tallishi, tallighandimu ochuq meydan sotini tallishi weziyet közetküchilirining diqqitini tartmaqta. Emma, bu jaza hökümlirini yerlik xelqtin yoshurmighan, eksiche keng kölemde bildürüshke tirishiwatqan xitay da'irilirining, bu sotlirini axbarattin yoshurushi yeni dunyadin yoshurushi, közetküchilerning diqqitini tartqan yene bir nuqta. Közetküchiler bu ehwalgha asasen, ochuq meydan sotlirining meqsitining Uyghur jem'iyitide wehime peyda qilish ikenlikini, yeni xitayning dölet térrorini dunyadin mexpiy, emma Uyghur jem'iyitige nisbeten ashkara élip bériwatqanliqini ilgiri sürüshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.