Xotende pida'iylar amanliq mudiri imin memtiminni élip qachqan

Muxbirimiz shöhret hoshur
2015-03-23
Share
xoten-maniwer-xitay-saqchi.jpg Xitay qoralliq küchliri térrorluqqa qarshi turush manéwiri ötküzdi. 2014-Yili 6-iyun, xoten.
AFP

Anglighuchilirimizdin biri aldinqi küni radi'omizgha uchur yollap, xotende 4 neper pida'iyning bir saqchi xadimini élip qachqanliqi heqqide melumat berdi.

Ijtima'iy taratqulardimu bügün, xotenning baghchi baziri sadiq'awat kentide imin isimlik bir saqchining pida'iylar teripidin élip qéchilghanliqi we bu sewebtin xotende keng kölemlik axturush élip bériliwatqanliqi heqqide uchur tarqaldi. Muxbirimizning éniqlashliri dawamida élip qichilghan kishining sadiq'awat kentining amanliq mudiri imin memtimin ikenliki, uning 2010-2012 yilliri yardemchi saqchi bolup aktip wezipe ötigenliki ashkarilandi.

Melum bolushiche, mushu ayning 9-küni seher sa'et 2 mezgilide, yüzige qara maska taqighan 4 neper pida'iy amanliq mudiri imin memtiminning öyige bésip kirip, uni öyidin élip chiqip ketken؛ pida'iylar amanliq mudirining ayali we 3 balisigha chéqilmighan. 15 Kündin béri xotende keng-kölemlik axturush élip bériwatqan xitay saqchiliri, ta bügün'ge qeder ghayib mudirning iz-dériki we pida'iylarning kimliki heqqide éniq melumatqa érishelmigen. Nöwette wilayetlik saqchi bashqarmisi we nahiyilik saqchi idarisi teripidin ewetilgen ikki razwédka guruppisi sadiq'awatta bu katta déloni tekshürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet