30 "Hijretchi" ni pash qilghan amanliq mudirining 5 qérindishimu qamaqta

Muxbirimiz shöhret hoshur
2018-03-21
Élxet
Pikir
Share
Print
Kochida adem tutuwatqan xitay eskerliri we ulargha yol bashlighuchilar. 2009-Yili 6-iyul, ürümchi.
Kochida adem tutuwatqan xitay eskerliri we ulargha yol bashlighuchilar. 2009-Yili 6-iyul, ürümchi.
AP

Ghulja bayanday weziyitidin xewerdar kishilerdin biri radiyomizgha uchur yollap, bayandayda ashxana échiwatqan sultanjan isimlik bir kishining a'ilisi boyiche tutqun qilin'ghanliqi, uning akisi sawurjanning misirda ashxana achqan ikki oghliningmu "Terbiyelesh" te ikenlikini bildürgen idi.

Bu heqtiki éniqlashlirimiz dawamida, mezkur a'ilining ehwali aydinglashmighan bolsimu, bayanday yézisidin bultur yil otturidin bashlap "Hijretke teyyarliq qilghan" dégen guman bilen 3 kishining tutulghanliqi ashkarilandi.

Ilgiri rayondin igiligen uchurlirimizdin ashkarilinishiche, yéqinqi yillardin béri minglighan kishiler her xil yollar bilen chégra atlap chiqip kételigen bolsimu, yene köpligen kishilerning seper üstide, hetta öyidin qozghalmay turup tutulghanliqi we ulargha "Hijretchi" dégen bir atalmish jinayet artilghanliqi ashkarilan'ghan idi.

Sabiq mehbuslardin biri özining pakistandin qayturuwétilgen 40 nechche kishi bilen bir qamaqxanida yatqanliqini bildürgen bolsa, yene bezi kent amanliq mudirliri özlirining xitay ölkiliridin "Hijretke atlan'ghan" Uyghurlarni tutup kéliwatqanliqini öz éghizi bilen ashkarilighan idi.

Weziyettin xewerdar kishilerning bayan qilishiche, hijretke teyyarlan'ghanlarni pash qilish yéqini yillardin béri yézilardiki bezi amanliq mudirliri üchün xizmet körsitish yolliridin birige aylan'ghan.

Bayandaydiki yuqiriqi amanliq mudiri chet'elge chiqish koyidiki3 kishini tutup bergini we 30 kishining tutulushigha yol échip bergini üchün ikki qétim mukapatlan'ghan. Emma "Yépiq terbiye" dolqunida uning bu körsetken xizmiti étibargha élinmighan. Uning aka-ukilirining we ayalining qérindashliring perzentliridin bolup 5 kishi "Terbiyelesh" ke ekétilgen.

Toluq bet