Sabiq saqchi bashliqi wang lijün 4 türlük jinayet bilen eyiblinip 15 yilliq qamaqqa höküm qilindi

Sabiq saqchi bashliqi wang lijün, bügün yeni düshenbe küni axirqi qétim sotlinip, 15 yilliq qamaqqa höküm qilin'ghan, chéngdu sheherlik ottura sot mehkimisi teripidin sotlan'ghan wang lijün, yüz xatire qilip qanunni buzush, hoquqini suyistimal qilish, xa'inliq qilip qéchish we parixorluq qatarliq 4 türlük jinayet bilen eyiblen'gen, siyasiy hoquqidin bir yilliq mehrum qaldurulghan.
Muxbirimiz shöhret hoshur
2012.09.24

Wang lijun bu yil féwral éyida chéngdudiki amérika konsulxanisigha qéchip kirip, chungching shehirining partkom sékrétari bö shileyning ayalining qatilliq délosini pash qilghan, bö shileyning ayali gu keyley ötken ayda sotlinip, kéchiktürme ölüm jazasigha höküm qilin'ghan idi.

Xitayche b b s ning bügünki bu heqtiki xewiride bildurüshiche, wang lijün sotning hökümige naraziliq bildürmigen. Közetküchiler, wang lijünning hökümge naraziliq bildürmeslikni hökümge qayilliqtin emes, belki xitay sotining adaletsizlikini bilgenliki üchün dep qarashmaqta. Közetküchiler yene, wang lijün dilosining netijisige asasen hazirghiche peqet intizam jazasi bérilgen, sabiq partkom sékrétari bö shileyningmu jinayi jazagha tartilishining éhtimalgha yéqinliqini perez qilishmaqta. Melum bolushiche, wang lijünning para alghan pulning omumi sommisi 30 milyon 500 ming som iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.