Xotenning tusula yéza peyshenbe bazirida saqchilar bilen amma arisida majira yüz bergen

Muxbirimiz shöhret hoshur
2014.02.27
pichan-lukchun-saqchi-charlash.jpg Pichan lükchün weqesidin kéyin saqchilar axbarat orunlirining resimge tartishini tosuwatqan körünüsh. 2013-Yili 27-iyun, pichan.
AFP

Bügün ijtima'iy taratqulardin féysbokta bayan qilinishiche, xotenning tusula yéza peyshenbe bazirida xitay saqchiliri ammigha qaritip yash aqquzghuchi bomba atqan, etraptiki kichik balilar we yashan'ghanlar belgilik derijide zeximlen'gen.

Emma féysboktiki bu uchurda weqening kélip chiqish sewebi heqqide melumat bérilmigen. Muxbirimiz bügün yip uchigha asasen xotenning tusula saqchixanisi we yerlik ahalilerge téléfon qilip ehwal heqqide melumat igilidi.

Saqchilar muxbirining so'alidin özini qachurush arqiliq, weqeni yoshurushqa tirishqan bolsimu, ahalilerdin biri, bügün peyshenbe bazarda saqchilarning resmiyetsiz motsiklitlarni yighish jeryanida ammining naraziliqigha uchrap qorshawda qalghanliqini we ammigha yash aqquzghuchi bomba étish arqiliq qorshawdin qutulghanliqini ashkarilidi.

Biz awwal xotenning tusula yéziliq saqchixanisigha téléfon qilduq.

Xadim : tusula saqchixanisi!
Muxbir: tusulada hazir weziyet qandaq?
Xadim: mushu so'alingizni bashliqimizdin sorang, téléfonni mu'awin sojanggha berdim.
Muxbir: siz mu'awin saqchixana bashliqimu?
Xadim: he, men shu.
Muxbir: bügün weqe yüz bergen yerge bardingizmu?
Xadim: yaq. Men barmidim.
Muxbir: bügün peyshenbe bazarda yüz bergen néme weqe u?
Xadim: bilmeytimen.
Muxbir: weqe bildürüshke tégishlik emesmu yaki sizning weqedin xewiringiz yoqmu?
Xadim: bu so'alni gheyret sojangdin sorang.

Muxbir: gheyret, bügün peyshenbe bazarda yüz bergen néme weqe u?
Xadim: héch weqe yüz bermidi, ichip-oynap yürüptimiz mana.
Muxbir: motsiklitchilar bilen aranglarda bir ish bolmidimu?
Xadim: néme? néme dédingiz? men angliyalmidim, néme boldi bu téléfon....
Muxbir: gep qiling, men sizning gépingizni anglawatimen, sizmu hazir angliyalawattingiz......
Xadim: wey, wey.......

Bügün peyshenbe bazarda neq meydanda bolghan weqeni körgenlerdin biri so'allirimizgha jawab berdi.

Muxbir: bügün peyshenbe bazarda weqe yüz bergende sizmu barmu?
Ahale: bar, méningmu motsiklitimni tartip ekétip, jerimane tölep élip keldim.
Muxbir: weqe shu motsiklitlarni tekshürüshtin kélip chiqqan oxshimamdu?
Ahale: shundaq, bu bazargha bek jiq adem kélidu, her peyshenbe saqchilar resmiyetsiz motsiklitlarni tekshürüp tutidu. Bügünmu shundaq qilghan.
Muxbir: saqchilar yash aqquzghuchi bomba atti dep angliduq, bu gep toghrimu?
Ahale: shundaq qilmay amali yoqti, bolmisa unchiwala kishilerning arisidin qéchip chiqip kételmeytti.
Muxbir: undaqta, saqchilar ammining qorshawida qalghan oxshimamdu?
Ahale: shu, shundaq boldi. Motsiklitlirini tartip ekitiwergendin kéyin, motsiklitni alghili barsa jerimane qoyuluwergendin kéyin, kishiler ghezepke kélip bolghan ish.
Muxbir: weqede ölgen, yarilan'ghan yaki tutulghanlar boldimu?
Ahale: u ishlarni bilip kételmidim, motsiklitimni xapiliqida.
Muxbir: weqe peyshenbe bazargha mangidighan yolda yüz berdimu, yaki bazarning özidimu?
Ahale: bazarning otturida.

Yuqirida xotenning tusula yézisining peyshenbe bazirida saqchilar bilen amma arisida majira kélip chiqqanliqi heqqide melumat anglattuq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.