Qatarda ötküzüliwatqan dunya putbol musabiqiside Uyghur irqiy qirghinchiliqni tonushturghan Uyghur oghlani

Muxbirimiz shehrizad
2022.12.06
Share on WhatsApp
Share on WhatsApp
Enser-Qatardiki-Dunya-Putbol-Musabigisi-1.jpg Dohadiki dunya longqisini talishish putbol musabiqisining neq meydanida “Uyghur irqiy qirghinchiliqini toxtat!” dégen xet bésilghan mayka kiyip kishilerning diqqitini tartqan Uyghur yash enser. 2022-Yili dékabir, qatar.
Photo: RFA

Nöwette qatar paytexti dohada ötküzüliwatqan dunya longqisini talishish putbul musabiqisining neq meydanida “Uyghur irqiy qirghinchiliqini toxtat!” dégen xet bésilghan mayka kiyip, musabiqe körüwatqanlarning diqqitini tartqan bir Uyghur yashning süretliri ijtima'iy taratqularda keng tarqaldi. Muxbirimizning igilishiche, bu süretlerdiki kishi hazir qatarda shlewatqan enser isimlik Uyghur yash bolup, u bu arqiliq Uyghur mesilisini dunyagha tonushturushqa tirishqan. Enser radiyomiz ziyaritimizni qobul qilip, özining bu pa'aliyetni élip bérishtiki meqsitini anglarmenler bilen ortaqlashti.

Muxbir: yaxshimusiz enser, radiyomiz ziyaritini qobul qilghiningizgha köp rehmet! aldi bilen radiyo anglighuchilirimizgha özingizni qisqiche tonushturup ötken bolsingiz.

Enser: salam shehrizad, aldi bilen méni ziyaret qilghiningiz üchün köp rehmet. Özümni qisqiche tonushturup ötey. Méning ismim enser, familem enwer. Ürümchide tughulup chong bolghanmen. Bashlan'ghuchni wetende oqudum. 2007-Yili chet'eldiki musapirliq hayatim bashlandi. Bu yil 26 yashqa kirdim. Aliy mektepni türkiyede tamamlidim. Hazir qatarda xizmet qiliwatimen.

Dohadiki dunya longqisini talishish putbol musabiqisining neq meydanida “Uyghur irqiy qirghinchiliqini toxtat!” dégen xet bésilghan mayka kiyip kishilerning diqqitini tartqan Uyghur yash enser. 2022-Yili dékabir, qatar.

Muxbir: siz bu musabiqige Uyghur irqiy qirghinchiliqini tonushturush üchün qatnashtingizmu yaki musabiqe körüsh üchünmu?

Enser: eslide méning musabiqe körüsh niyitim yoq idi, lékin oylimighan yerdin bir purset kélip qaldi. Shuning bilen bu pursetni qoldin ketküzüp qoymay, musabiqe körgech mushu pursette dunya xelqige we barliq insanlargha xitayning Uyghurlargha élip bériwatqan qirghinchiliqni tonushturay dep, “Uyghur irqiy qirghinchiliqini toxtat!” dégen xet bésilghan maykini kiydim we musabiqige qatniship keldim.

Muxbir: siz “Uyghur irqiy qirghinchiliqini toxtat!” dégen xet bésilghan maykini qaysi komandilar musabiqileshkende kyiwalghan idingiz? birla musabiqide kiydingizmu yaki bashqa musabiqilerdimu kiydingizmu?

Enser: men “Uyghur irqiy qirghinchiliqini toxtat!” dégen maykini portugaliye bilen urugway konmandilirining musabiqiside kiydim. Mushu birla musabiqide kiydim. Bashqa musabqilerde belkim yene (bu maykini) kiyip chiqishim mumkin, hazirche éniq emes.

Dohadiki dunya longqisini talishish putbol musabiqisining neq meydanida “Uyghur irqiy qirghinchiliqini toxtat!” dégen xet bésilghan mayka kiyip kishilerning diqqitini tartqan Uyghur yash enser. 2022-Yili dékabir, qatar.Muxbir: putbol musabiqisi körüwatqiningizda birersi bu maykigha bésilghan xetler tüpeyli sizni aware qildimu? qatar we yaki xitay saqchisi izdep keldimu?

Enser: bu méning tunji qétim dunya longqisini talishish putbul musabiqisige neq meydandin qatnishishim. Ehwalning nedin negiche ikenlikini bilmigechke, aldida “Uyghur irqiy qirghinchiliqini toxtat!” dégen maykini kiyishtin sel tep tarttim. Chünki “Bundaq bir chong pursetni qoldin ketküzüp qoymay, eger birer ish chiqip qalsa nishanimgha yételmey qalmay” dep oylap, musabiqining tügishini saqlidim. Musabiqe tügigendin kéyin, portugaliye formisini séliwétip mushu kiyim bilen bir nechche parche resimge chüshüp, musabiqe körüwatqan insanlargha körsitishke tirishtim. Meydandin chiqip ketkendin kéyin, bir ayal yénimgha kélip Uyghurlarning ehwalidin xewerdar ikenlikini we (bu maykini körüp) söyün'genlikini éytip hésdashliq bildürdi. Uningdin kéyin, bir muxbir qiz kélip: “Sizni süretke tartiwalsam bolamdu?” dep soridi. Men “Bolidu” dep uning süretke tartishigha ruxset berdim.

Muxbir: siz burunmu mushuninggha oxshaydighan putbol musabiqilirige qatniship, Uyghur mesilisini anglitip baqtingizmu?

Enser: bu méning tunji qétim dunya putbol musabiqisidek bundaq chong musabiqilerge qatniship, bizge boluwatqan ehwallarni tilgha élip, mesililerni anglitishim.

Muxbir: buningdin kéyinmu mushundaq pa'aliyetlerni dawamliq élip bérishni oylishiwatamsiz? buningdin kéyiki pilanliringiz néme?

Enser: elwette, buningdin kéyinmu qolumdin kélishiche awazimizni chiqirip, dunya xelqige özimizni anglitishqa؛ herqandaq bir pursette özimizni tonutushqa tirishimen. Buni bizning wetendiki xelqimizge bolghan bir burchimiz, dep hés qilimen.

Muxbir: sizge köp rehmet.

Enser: sizgimu rehmet!

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.