Kuytunggha sighmighan bir qazaq a'ilisi: oralbaylar a'ilisining échinishliq qismiti
Gül'ayshe oralbayning ijtima'iy taratqulargha chiqarghan türmidiki qérindashliri.
Social Media
Ghulja nahiyesining qash yézisida tughulup chong bolghan we oqush püttürüp xizmetke chiqqanda kuytung shehirige yerleshken oralbay qérindashlar aridin 20 nechche yil ötkende közge körünmes bir boranning zerbiside tinch ishxaniliridin, bas-bas dukanliridin we illiq a'ililiridin ayrilip, 3 nepiri qarangghu kamirigha tashlan'ghan, 4 nepiri yaqa yurtlargha we chet'elge seper qilghan. Nöwette türkiyede yashawatqan gül'ayshe oralbayning bayan qilishiche, uning qérindashliri turmushini milliy örp-adetler boyiche dawamlashturghandin bashqa xitayning zitigha tégidighan héchqandaq bir ishni qilmighan. Shundaq turuqluq 160 ming nopusluq kuytung shehirige bu a'ile sighmighan.
"Beydu" uchur ambirida tonushturulushiche, ili oblastigha qarashliq kuytung shehirining omumiy nopusining aran 6.8 Pirsentini qazaq, Uyghur we mongghul qatarliq xitay bolmighan milletler teshkil qilidu. Kuytungdiki xitay bolmighan milletler arisida qazaqlarning nopusi aldinqi orunda. Emma Uyghur rayonida 2017-yilidin bashlap Uyghur we qazaq qatarliq yerlik milletlerge nishanliq halda élip bérilghan siyasiy boran-chapqunda yene qanchilighan qazaq a'ililerning uwisidin ayrilghanliqi hazirche melum emes. Oralbaylar a'ilisidiki bir tughqan qérindashlarning échghinishliq qismetliri ene ashu uwisidin ayrilghan Uyghur we qazaq qérindashlarning paji'elik hékayilirining biridur.
Yuqiridiki ulinish arqiliq bu qismetni gül'ayshe oralbayning öz éghizidin anglaysiler.
- Meryem sultan: "Xitay manga apamning aghzi arqiliq tehdit saldi"
- Amérikiliq muxbir emilya pang: "Men Uyghurluqumni kéchikip hés qildim"
- Bir natiwan idi, qehriman boldi
- Shirzat bawdun bilen "Milliy musteqilliqni pilanlighan" liqi éytilghan tahir abbas: "Shirzat bawudun bilen héchqachan körüshüp baqmidim"
- Arafat erkin: "Dadam mejburiy sözlitilgen, xosh bolghinim u téxi hayatken"
