Qirghizistan Uyghur yashliri chong utuqlargha ige bolmaqta

Ixtiyariy muxbirimiz féruze
2019-08-20
Élxet
Pikir
Share
Print
Yash Uyghur kiyim layiheligüchi gülbanu hashimowa "Wonama féshn" musabiqiside. 2019-Yili 17-awghust, bishkek.
Yash Uyghur kiyim layiheligüchi gülbanu hashimowa "Wonama féshn" musabiqiside. 2019-Yili 17-awghust, bishkek.
RFA/Féruze

17-Awghust küni orta asiyada dangliq "Wonama féshn" moda öyining shagirtliri öz ijadiyetlirini namayan qilishti.

Mezkur moda namayishi arzubék amanof uyushturghan mexsus kiyim layiheligüchiler musabiqisining netijisi élan qilindi. Mezkur moda pa'aliyiti bishkek shehiridiki "Xan'gar médi'a" merkizide uyushturuldi. "Wonama féshn" musabiqisige yash Uyghur layiheligüchi gülbanu hashimowa qatniship üchinchilikke érishti.

"Wonama féshn" moda öyi yash layiheligüchilerni qollash üchün bu xil pa'aliyetlerni üch yildin buyan uyushturup kelmekte. Igilinishiche bu pa'aliyet yuqiri derijide ötküzülüp, qatnashquchilargha chong mumkinchiliklerni yaritip béridiken. Deslepte mezkur moda musabiqisige 21 layiheligüchi qatnashqanidi. Ularning ichide Uyghur kiyim layiheligüchisi gulbanu hashimowamu bar idi. Radi'o ziyaritimizni qobul qilghan "Wonama féshn" moda öyining rehbiri arzubék amanof, qatnashquchilar üch aydin buyan teyyarliq qilip her xil téxnikilarni qollinish netijiside özliri layihiligen kiyim modilirini namayan qilghanliqi, shundaqla gülbanu hashimowaning chéwerlikini bayan qildi.

U mundaq dédi: "Rastini éytqanda biz köp teyyarliq qilduq. Shagirtlarning köp qismi tejribisiz layiheligüchiler idi. Lékin üch aydin buyan tiriship öginip, bügünki musabiqide özlirining maharetlirini namayan qilmaqta".

Moda musabiqisining telepliri boyiche her bir qatnashquchigha tapshuruq bérildi. Ular peqet ikki reng ishlitip üch xil bayramliq libas layihelishi kérek idi. Gülbanu hashimowa özining layihiligen kiyim modiliri yighindisini "Yipek yoli" dep atap kök we altun renglerni ishletti. Radiyomiz ziyaritini qobul qilghan gülbanu hashimowa özining néme üchün kör rengni tallighanliqini chüshendürüp, buni Uyghur bayriqigha oxshitish bilen birge bu rengni yene erkinlik renggi dep tonughanliqini tekitlidi.

"Wonama féshn" moda musabiqisi qirghizistan kiyim modisi sahesidiki eng muhim we yuqiri derijidiki bir pa'aliyet dep sanilidu. Mezkur pa'aliyetke 300 din oshuq tamashibin qatnashti. Radi'o ziyaritimizni qobul qilghan yash Uyghur qizlar, "Wonama féshn" kiyim layihilesh musabiqisining hel qilghuch musabiqiside Uyghur qizi netijige érishkenlikidin bek ghorurliniwatqanliqini izhar qilishti.

Qirghizistan ottura asiyadiki Uyghurlar bir qeder köp olturaqlashqan bir memliket. Sabiq sowét ittipaqi yimirilgendin kéyin qirghizistan öz musteqilliqigha ériship, shu dölette yashawatqan az sanliq milletlerge öz medeniyet-sen'itini rawajlandurushqa mumkinchilik yaritilip bérildi. Ularning qatarida Uyghurlarmu özlirining milliy en'enilirini saqlap qélishqa tiriship, milliy saz we ussul ansambili qurup, yuqiri derijidiki musabiqilerge qatniship Uyghur medeniyitini tonushturup kelmekte. Radi'o ziyaritimizni qobul qilghan "Intizar" milliy saz ansambilining mu'awin rehbiri tursun'ay islam qirghizistan Uyghur sazendilirining utuqliri heqqide bayan qilip, töwendikilerni körsetti.

Shuni tekitlep ötüsh kérekki, yéqinqi yillardin buyan qirghizistan Uyghurliri, bolupmu yashlar öz milliy kimlikige alahide köngül bölüp kelmekte. Ana til mesilisi chong we eng muhim mesilisige aylan'ghanliqi sewebidin, Uyghur yashlar gödekler üchün tonulghan karton filimlarni Uyghur tiligha terjime qilishti. Yashlarning öm bolushi we ularning bilimlirini köpeytish üchün bilim musabiqiliri uyushturulup kélinmekte. Radi'o ziyaritimizni qobul qilghan nowopokrowka yéziliq gimnaziyening mudiri peride nizamidinowa qirghizistan Uyghur yashlirining pa'aliyetliri toghrisida toxtilip töwendikilerni körsetti.

Radi'o ziyaritimizni qobul qilghan yash kiyim layiheligüchisi gülbanu hashimowaning anisi nilyufer xanim, bir ana süpitide qizining netijisidin bek pexirlen'genlikini körsitip, özining kélechekte Uyghur milliy kiyim-kéchek sen'itini téximu namayan qilish üchün özbékistan paytexti tashkent shehiridin we imkan bolsa Uyghur diyaridin etles we bashqa milliylikke ige rext hem toqumichiliq matériyallirini élip kélip, qizining téximu köp Uyghur milliy kiyim layihilirini ishlep chiqishini we uni Uyghurlar arisida tarqitishni xalaydighanliqini tekitlidi.

Resmiy melumatlargha qarighanda qirghizistandiki Uyghur ahalisi 60 minggha yéqin dep sanilidu. Ular öz qabiliyiti bilen hökümet teqdirnamilirige ériship, shundaqla her sahelerde yuqiri unwanlargha ige bolushti. Ularning qatarida qirghizistanda tonulghan naxsha cholpini, qirghizistan xelq artisi sultan kerimof, qirghizistanda xizmet körsetken ressam sabit babajanof, qirghizistan xelq artisi zeytune narinbayéwa, méditsina sahelerde nurmuhemmet babajanof, yarmuhemmet abdulbaqi we bashqilar öz saheliride pütün qirghizistan boyiche meshhur erbablardur. Isport sahelerdimu nurghun qabiliyetlik isportchilar bar. Yashlar arisidimu öz millitini tonutqan yash sen'etkarlar zarina ibdiminowa, gülnaz mexsutowa, zeytune xatbaqiyéwalar xelq'araliq derijidiki teqdirnamilerge ige bolushti.

Toluq bet