Amérikida 11-séntebir weqesining 10 yilliqi xatirilendi

Bügün, 11-séntebir küni, 2001-yili 9-ayning 11-küni yüzbergen niyorktiki dunya soda binasi we paytext washin'gtondiki dölet mudapi'e ministirliqining binasigha ayropilanni soqush arqiliq peyda qilin'ghan térrorluq weqesining 10 yilliq xatire küni.
Muxbirimiz ümidwar
2011-09-11
Share

11-Séntebir weqesining 10 yilliqi murasim pa'aliyiti niyork shehiride ötküzülgen bolup, bu murasimgha amérika prézidénti barak obama we repiqisi, sabiq prézidént jorji hem bashqa dölet rehberliri qatnashqan.

11-Séntebirni xatirilesh pa'aliyiti eyni waqitta hujumgha uchrighan jaylarning hemmiside ötküzülgen bolup, prézidént obama we bashqilar niyork shehiridiki hujumgha uchrap, weyran qilin'ghan dunya soda binasining ornigha sélin'ghan xatire nuqtisigha bérip, 11-séntebirde hayatidin ayrilghan 3000 gha yéqin bigunah kishilerge teziye bildürgen. U xatire taxtisidiki isimlerni silap, öz qayghusini ipadiligen.

Amérika awazining xewer qilishiche, 11-séntebir weqeside qaza qilghanlar 90 döletke mensup bolup, bu munasiwet bilen dunyaning bir xéli köp jaylirida 11-séntebir weqesi xatirilen'gen. Watikan popi bénédikt 11-séntebir qurbanliri üchün teziye bildürgen bolup, u sözide insanlarni zorawanliqlarni ret qilishqa chaqirghan.

11-Séntebir künidiki térrorluq hujumining qurbanliri qatarida özbékistandin kelgen 24 yashliq Uyghur qizi göher séyit muhemmedmu bar idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet